Ki nu hanca cersil 11 sreng strasna kmh ki hehehe...nuhun Sent from my BlackBerry® smartphone from Sinyal Bagus XL, Nyambung Teruuusss...!
-----Original Message----- From: Abbas Amin <[email protected]> Sender: [email protected] Date: Thu, 9 Feb 2012 11:49:50 To: kisunda<[email protected]>; urangsunda<[email protected]> Reply-To: [email protected] Subject: [kisunda] Cersil Sunda ka 72 Tilu poe ti harita jebul we Bella Vakansi; terus we Nyi Emeh nyarita rek balik heula ka Leuwiseeng. Sarua jeung Tuan Hendrik Bella ge nanyakeun bisi salila di dieu aya nu matak nganyerikeun hatena. Ah teu pisan2 cek Nyi Emeh, ieu mah geus lila we cenah hayang nempo lembur. Wah ayeuna mah maning ge entong waka balik cenah, lantaran Leuwiseeng teh jauh pisan; keun engke cenah mun Bella aya vakansi panjang kira2 sabulan deui; lantaran Bella ge hayang nyaho lemburna Nyi Emeh, Nya atuh Nyi Emeh ngelehan, rek nunggu Bella vakansi heula. Di na waktuna, lain wae Jalma jeung Bella nu nganteurkeun teh, malah Ricky ge datang ngahaja cenah hayang nempo jeung ulin ka pilemburan. Nya atuh ayeuna mah opatan naek ka na kareta Bella. Upas aya opatan ngawal eta kareta; lantaran cenah balikna engke pastina ge moal aya Jalma; lantaran Jalma oge rek balik heula cenah nyelang ka lemburna ( Wanayasa ). Caritana nepi we ka Leuwiseeng. Saperti waktu Jalma datang mimiti, ayeuna ge kadatangan ieu para “wisatawan” teh disambut ku sakampung; kabeh karageteun nempo Nyi Emeh dianteur ku dua Kumpeni awewe lalaki nu masih ngora keneh pisan; maranehna ge heran nempo Jalma bareng jeung eta para tamu agung. Nu pang bungahna mah Nyi Epon; langsung na hatena loba impian dararatang; impian endah tea, nu bakal mawa kabagjaan pikeun dirina. Jalma ayeuna mah nganjrekna di “ibu angkatna” ( indung kukut ) Nyi Emeh. Ari Richard jeung Bella ngan ukur sapoe didinyana; isukna balik deui. Dua poe ti harita .......... “Punten.” Sok abus; saha ieu teh ?” “Aduh Ibu mah sok kitu ? Ma Emeh, pan abdi teh Epon tea. Eh Kang Jalma tos hilap nya ka Epon ?” “Ah piraku atuh akang hilap, ngan wae akang teh kakara jol kapan, engke rek ka ditu ka bumi Epon. Aya naon Pon ?” “Sono we atuh, utamana ka ieu Ma Emeh; da kapan Ma Emeh ngantunkeun Leuwiseeng tos lami; bari teu wawartos ka sadayana; atuh sadayana ngaraos leungiteun; kumaha lalakon teh Ma ?” “Wah panjaang mun didongengkeun deui teh.”Tembal Ma Emeh, ke mun geus rineh urang ngadongeng. “Sok atuh ayeuna mah kajero.” Nyi Epon lain asup ka jero, malah leos ka dapur; terus mirun seuneu. “Eh nanaonan eta teh Nyi Epon ? Keun we Ema ge rek mirun seuneu.” Cek Nyi Emeh ku sabab kaget nenjo Nyi Epon teu di titah ge geus langsung ka hawu. “Ah keun we atuh, itung2 pakaulan Ma Emeh mulih; keun we urang pangmasakkeun ku Epon.”Tembal Epon daria pisan. “Ulah ih ! Entong, keun we ku Ema engke.” Ce k Ma Emeh. “Sawios Ma, naha Ema bade ngahalangan ka na kahayang Epon ? Keun we Epon mah atoh bisa ngabantuan Ema.” Nya atuh ku Nyi Emeh diantep we Epon masak; terus nyieun teh keur tiluan. HANCA
