Sabage ajengan, moal jalir jangji atawa sulaya naon anu geus paheut jangji jeung Jalma. Lamaran pasti ditolak. Tapi sodagar arab ngagunakeun kekerasan majukeun pangawalna. Para jagoan di pasantren eta eleh. Untung aya nyi Epon, anu bisa naklukeun pangawal sodagar arab. Saterasna duka kumaha tah. Naha nyi Epon jadi pangawal sodagar arab atawa jadi istrina anak sodagar arab.
Mrachmatrawyani Powered by Telkomsel BlackBerry® -----Original Message----- From: Abbas Amin <[email protected]> Sender: [email protected] Date: Wed, 7 Mar 2012 21:35:26 To: kisunda<[email protected]> Reply-To: [email protected] Subject: [kisunda] Cersil Sunda ka - 87 ( bari nanya komentar ) Episode ka 37 – Tamu ti Cirebon Dina hiji poe Pasantren Miftahul Falah kadatangan tamu ti Cirebon, nu daratangna make kuda jeung 5 Kalde nu pinuh na tonggongna ku barang2 bawaan. Ari nu ditujuna nya eta Ajengan Salim; atuh Ajengan Salim jeung bojona kacida paciweuhna, untung datang para santri awewe ngabantuan. Tamu ditarima ku Ajengan Salim ditengah imah, bari nanyakeun maksud daratangna ka dinya. Pok Nu pangkolotna nyarita:”Aj. Salim, poma sampean ulah kaget ku kadatangan Kula. Ieu Kula teh sudagar Abdul Gofar ti Cirebon, moal bireuk di Cirebon mah. Ari nu ieu tah adi Kula Ki Abdul Raup. Ari ieu nu duaan Ki Garniwa jeung Seca pangawal pribadi Kula; tah ari itu budak ngora anak Kula ngaranna Cakramana.”Ki Abdul Gofar ngenalkeun dirina jeung rombonganana. “Ari maksud Kaula kadieu, nya eta hayang mimitran jeung sampeyan.” “Mimitran?”cek Aj Salim rada kaget. “Kunaon geuning mani ngahargaan pisan sampeyan ka kuring ? Alhamdulillah, tapi tetep kuring heran.” “Panjang caritana mah. Sataun nu geus kaliwat, anak Kula Cakramana milu nganteur barang ka Batavia kabeneran nganjrek di dieu 2 peuting, lantaran kapegat hujan. Tah di na mangsa manehna keur luntang lantung, manehnaa nenjo anak Ajengan, nu ngaranna Nyi Syarifah. Budak Kula kabungbulengan, teu beunang dipersabenan, nya atuh Kula bapana rek ngalaksanakeun kahayang anak; ku sabab kitu; ayeuna Kula ka dieu teh, rek ngajukeun lamaran keur anak Kula; itu diluar barang2 nu di na tonggong Kalde ngahaja dibawa pikeun sampeyan mudah2an sampeyan bisa narima ieu panghargaan ti Kaula.” Sajongjongan mah Aj. Salim teu bisa ngomong, sabab hareugeueun, boh teu nyangka maksud ieu semah saperti kitu, bari jeung ngarasa ieu semah kacida luhurna; istilahlahna rada ngalecehkeun manehanana dianggap pidunya pisan. Sanggeus ngahuleng, pok we Ajengan Salim nyarita, tatag ayeuna mah:”Cing kuring hayang nyaho, naon wae nu dibawa ku sampeyan pikeun Kaula teh.” Ayeuna mah Aj. Salim ge ngabasakeun Kula oge keur dirina. Ki Abdul Gofar jigrah, na hatena ngomong, lakadalah ieu Aj. Salim sigana mah narima lamaran anak aing yeuh ? Langsung manehna nitah adina nya eta Ki Abd Rauf ngabongkar kabeh muatan; der barang2 digarotong ti na Kalde ka tengah imah. Aya hiji peti nu dijieun ti na kai jati; make ukiran Japara kacida alusna, barang dibuka bray teh runtuyan mutiara; pasangan geulang emas kangkalung emas mani buranyay. Sigana eta teh pamere nu pang mahalna.HANCANB : sok lah komentaran, tah ieu cersil teh geus nepi ka dieu.Cing kira2 kumahaa tuluyna ? Hahahaha
