Ki Darga gancang ngomong :”Tah ti na carita ki Jumad , sigana enyaan eta Nyi Epon jeung Nyi Ipah teh ditawan di Rajawali Bodas; ngan keur naon nya ? Asa teu puguh2 ?” Keur guntreng kitu jol we informan nu ti Cirebon, manehna nyarita yen Mutiara Hideung ayeuna mah geus kanyahoan dimana manana. Ki Darga nyentak:”Aing teh keur lieur neangan Nyi Ipah jeung Nyi Epon, naha carita jadi nyimpang ka na Mutiara Hideung ? Hayang dicabok siah ? Nyilidik teu baleg siah !” KI Toto, nu dititah ka Cirebon, gancang ngomong:”Ke heula, ieu teh aya hubunganana jeung leungitna Nyi Ipah lan Nyi Epon !” “Naon !” Cek Ki Wira jeung Ki Darga meh bareng. Ari Jalma mah cicing we ngabandungan, kumaha ahirna caritaan si Toto. Ki Toto terus we nerangkeun :” Ieu informasi teh kakara ditarima kamari pasosore ti bujangna 5 Macan Cirebon; eta ge kuring teh ngaluarkeun duit 5 Gulden ! Kakara daek betus !” “Heueuh alus! Sok kumaha cenah caritana !” Cenah nu limaan diondang datang ka Kuningan, ka Markas Rajawali Bodas; tapi waktu balikna kaciri nu limaan siga nu arambek; kadenge Abd Gofar kukulutus :”Gara2 urang ngalamar Nyi Ipah, jadi manjang kieu ieu pasualan ! Mutiara Hideung ayeuna geus kanyahoan ku Pihak Rajawali Bodas; ti ayeuna urang moal bisa tenang deui; hayu ayeuna urang tinggalkeun ieu tempat; keun we imah mah sina dijaga we ku bujang2 urang.” HANCA
