Episode ka 44 Di Cirebon Ayeuna mah Jalma teu make rompi kulit Maung deui, papakeanana ayeuna sarwa bodas, naek Kuda bodas; atuh mani sagala bodas; lamun eta kuda disina lumpat tarik, mun aya nu nempo tea mah, siga aya sinar bodas keur nyirorot ka kalerkeun. Jalma ayeuna geus nepi ka Cirebon; nganjrek dua peuting di Kota eta, lantaran manehna ge bari ngadedenge sugan aya warta, oge bari nenjo kumaha kaayaan kota nu kasohor udang jeung tarasina teh. Di Cirebon mah nyadiakeun imah paranti tempat tamu nginep, disebutna cenah losmen; lantaran loba nu jarah ka Kota Cirebon , lantaran di dinya cenah makam Syeh Sunan Gunung Jati tea. Nya Jalma mah akon2na ngomong mah rek jarah oge. Di Kota Cirebon teh, aya oge tangsi Kumpeni, nu ngawasa eta Kota Cirebon cenah Regen. Diangkatna cenah ku Kumpeni, lantaran nu ngawasa sakuliah Pulo Jawa ayeuna mah cenah Kumpeni. Mun kabeneran ka warung, Jalma sok natanyakeun sugan aya nu apal ka na kumpulan Walet Hideung; tapi euweuh nu nyahoeun saurang ge. Tapi waktu Jalma nanyakeun sudagar abd Gofar, loba nu nyahoeun Jalma dituduhkeun ka hiji tempat di kota Cirebon; ahirna panggih we; enya we suwung geuning. Tapi cenah mah, masing Ki Abd Gofar saparakanca suwung ge, geus loba nu daratang ka dinya, umumna ti tempat luar Cirebon; nu daratang lolobana mamawa senjata, mun teu bedog, nya tumbak; paromanna kabeh ge karereng siga bangsa oah2. Jalma nyaho yen eta teh akibat ti na mustika Mutiara Hideung tea. Wah Jalma ngawaaskeun, kumaha repotna jeung riweuhna eta nu limaan, pasti diudag udag ku Para pendekar nu hayang ngarebut eta Mustika. Mun teu gancang malencar, pasti gampang kapanggih; jadi eta nu limaan teh meureun ayeuna mah teu nyaho geus nyamar jadi nanahaon, da mun kitu wae mah; gampang kapanggih ku nu hayang ngarebut eta Mustika Mutiara Hideung. Ku sabab Jalma hayang nyaho tempat Regent, nya Jalma teu make kuda indit we ka Puseur Kota Cirebon; enya we imah/kantor Regent teh Kacida agrengna; kaciri pangawal2na angker2; barang Jalma ngadeukeutan eta Imah Regent; jol we aya dua soldadu nyampeurkeun :”Eh, Kowe Inlander, kamu orang tak boleh dekat2 Loji yah ! sana nyingkir.” Jalma nyarita ku Basa Melayu :”Saya mau melihat lihat ini Kantor Regent, bisakah saya masuk ?” Si Kumpeni, bari molotot nyentak :”Got !.............. kantor Regent en loji ada disini, en kowe harus jauh ngerti ?” Keur ki tu aya Kumpeni bewokan datang, ngomong ku Basa Holland, rupana manehna komandanna pangkatna Kopral:”Aya naon maraneh jiga keur pahereng hereng jeung eta Inlander !?” Prajurit bari sikep, laporan yen aya Inlander tolol laha loho nempoan Loji, bisi mata2 nya diusir. Jalma cicing we, api2 teu ngarti Basa Walanda. Lamun enya mata2 ti pihak France misalna , lain kudu diusir tapi dus kudu disilidik, cek eta Kopral, cing bawa we ka kamar uing, sok, rek diinterogasi. Siap! Kopral ! Cek eta nu duaan, tapi barang maranehna ngalieuk, Jalma geus ngaleos manten, bari teu kanyahoan kumaha carana. Duanana ngarasa heran pisan, tapi nya manehna teh kapaksa narima panyarekan Koral Bewok, lantaran teu bisa mawa Jalma ka kamarna. Malah duanana meunang hukuman . Kacaturkeun Jalma terus we neruskeun perjalanan nuju ka Gunung Cereme ; keun sugan lamun geus deukeut ka eta gunung mah, aya jelema nu nyahoeun ka eta kumpulan Walet Hideung.HANCA
