Rek ngadongeng ah, lalakon lalampahan, libur tilu poe kamari. Kabeneran aya nu
mere order pagawean di Medan. Nu mere order pausahaan di Jakarta, ukur
nyebutkeun tempatna ti Medan 2,5 jam make mobil ka arah Pematang Siantar, engke
cenah dijemput di Bandara Polonia ku karyawan manehna.
Nya Indit poe Jumaah, jam 10 isuk-isuk geus tepi ka Bandara Polonia Medan. Nu
ngajemput geus nungguan, atuh langsung we nuju ka tempat nu dituju, make mobil
nu disupiran kunu ngajemput. Mobil nyemprung mapay-mapay jalan lintas timur
Sumut. Kota-kota Lubuk Pakam, Perbaungan geus kaliwat. Jam satengah satu ngadon
Jumaahan heula di kota Sei Rampah diteruskeun dahar beurang. Jam dua, perjalanan
diteruskeun, ngaliwatan sababaraha kota leutik, nu kuring teu apal. Ngaliwat
kota Tebingtinggi, nempo jam, kacida kagetna geuning geus jam 3 leuwih. Kuring
nanya kanu ngajemput: "Bang, katanya cuma 2,5 jam, ini rasanya sudah lebih dari
3 jam, kok belum sampai-sampai juga?"
"Oh sebentar lagi, nanti di Lima Puluh, kita belok kiri", Ceuk nu ngajemput.
"Lima Puluh? Apanya yang lima puluh?", ceuk kuring bingung, kunaon nu ngajemput
teh nyebut-nyebut angka 50 sagala.
"Kota Lima Puluh Pak, kota kecamatan Kabupaten Batubara", ceuk nu ngajemput
nerangkeun.
Ngan kuring tetep hemeng, naha aya kota disebut Lima Puluh, loba urang Minang
kitu, da lamun teu salah mah di Sumbar aya kabupaten nu aranna "Lima puluh Koto"
Nu Ngajemput sigana ngartieun kahemeng kuring. Ceuk manehna aranna Lima puluh
kamungkinan tadina tina istilah KM 50 (kilometer 50), ngan duka 50 km timana.
Tempat ieu lila-lila jadi rame jeung jadi kota, aranna teu robah, tetep we "Lima
Puluh".
Kuring unggeuk-unggeukan, rada percaya kana dongengna, sabab ceuk cenah mah
istilah "kaki lima" oge asalna ti Medan. istilah "Kaki Lima" teh asalna tina
ukuran lebar trotoar jalan, nyaeta "Lima Kaki". (Kaki = feet). Ngan lila-lila
hartina ngageser kanu dagang dinu trotoar jalan.
"Nampaknya kita kesorean nih Pak, tidak usah langsung masuk ke lokasi, kita cari
penginapan saja di kota, buat istirahat dulu", Ceuk nu ngajemput.
"Boleh", ceuk kuring teh, geus cape da indit ti Bandung jam 3 subuh, terus ka
Cengkareng, terus ka Medan, ayeuna geus ampir jam 4 can tepi keneh.
"Di Perdagangan biasanya ada penginapan Pak!"
"Apanya diperdagangkan, penginapan?", ceuk kuring beuki lieur. Si nu ngajemput
ngaheheh :"Bukan diperdagangkan, tapi kota Perdagangan. Kota kecil dekat lokasi"
Ya ampun geus aya kota aranna Lima Puluh, aya deui kota aranna Perdagangan.
Kecap nu rada aneh keur aran hiji kota. Kota Perdagangan aya sisi walungan nu
rada gede. Kuring ngira-ngira kunaon ieu tempat disebut perdagangan. Meureun
baheulana transaksi ekonomi jalma-jalma ti pedalaman jeung jelema ti luar
dilakukeun ditempat ieu. Ari transportasina make walungan ieu. Duka naon aran
walunganana, kuring teu loba tunyu-tanya, sabab teu jadi ngarereb di Perdagangan
da aya nu ngabejaan penginapaan mah ayana malah di samemehna, jadi geus
kaliwatan rada jauh.
Nya akhirna kuring ngarereb di losmen "Pelangi", Pelanaan, 3 km samemeh
Perdagangan. Pendudukna urang Jawa wungkul, tapi "Jadel" alias "Jawa Deli".
Ngaromongna masih marake basa Jawa, sanajan maranehna ukur luluhurna wungkul nu
asalna ti Jawa (oge mungkin wae ti Sunda).
Geus ah ngadongengna, sakadar oleh-oleh "liburan tilu poe" kamari ...
WLY
------------------------------------
Yahoo! Groups Links
<*> To visit your group on the web, go to:
http://groups.yahoo.com/group/kisunda/
<*> Your email settings:
Individual Email | Traditional
<*> To change settings online go to:
http://groups.yahoo.com/group/kisunda/join
(Yahoo! ID required)
<*> To change settings via email:
[email protected]
[email protected]
<*> To unsubscribe from this group, send an email to:
[email protected]
<*> Your use of Yahoo! Groups is subject to:
http://docs.yahoo.com/info/terms/
