Ki Brojo Nitis nu keur nyalurkeun pernapasan gancang muka panonna, beunta ngong nyorowok :” Dalem ! Wonten pangerso nopo ndoro.” Laju panonna culang cileung, bari heran sabab nu boga sora teu kaciri aya di dinya, manehna gigisik bari kukulutus :”Ah ngimpi meureun.” Bari reup peureum deui. Sakali deui Nini Anti nyorowok deui :”Ilung !” “Dalem!” mani gancang Brojo Nitis ngajawab; tapi terus melong neuteup ka nini Anti. Nini Anti duka kumaha ngusap beungeut, nu tadina beungeutna goreng patut robah jadi hiji awewe, nyata ari kolot mah; ngan kaciri paromanna kewes, wibawaan. Barang nempo Nini Anti morosotkeun kedokna, gancang eta Brojo Nitis sujud :”Duuh Ndoro Padmini, Kula sadu2 menta dihampura reh teu gancang sinembah ka ndoro.” Ngadenge omongan Brojo Nitis, Jalma oge gancang beunta, kaget oge nempo Nini Anti indungna Mawar Hideung geus ganti paroman, nu Kacida wibawana. Nu pangheulana ditempo sanggeus beunta nya eta ceuli eta Nini Anti, enya we aya tanda hideung ngajepat; wah moal salah ieu pamajikan Guru Kula nu ngaran Nyai Padmini tea; tapi ulah gurung gusuh ke heula tungguan. “Ilung apal teu ka na senjata ieu ?” Cek Nyi Padmini bari nembongkeun senjata nu tadi nancep di na tarangna. Sajongjongan mah Brojo Nitis kaget; pok ngomong :” Eta Senjata andelan Ki Sangga Prakosa … eee Ndoro Sangga Prakosa. Naha nya aya di eta Ki Jalma ?” HANCA
