Baraya, Basa keur rame mobil nasional (mobnas) buata barudak SMK, Menteri BUMN Dahlan Iskan kungsi nyarita anu mataholangna mah mobnas teh teu bisa gurunggusuh, sabab kudu ditata heula jalur ekonomina ti hulu nepi ka hilirna, kaasup jaliur bisnisna. Malah harita, pamadegan pak Menteri teh loba anu nganaha-naha, sabab kakupingna siga anu henteu ngarojong eta proyek mobnas ES-EM-KA. Pak Menteri harita nyaritakeun yen dina waktu anu sarua, satemenna Indonesia keur nyiapkeun undustri mobil anu diharepkeun junun jeung jugala nyanghareupan gedag angin badag industri permobilan. Kang Dasep Ahmadi, putera Sukabumi lulusan itb (tahun 86 kitu mun teu salah mah) disebut-sebut salaku pelaku eta industri anu dipromosikeun ku pak Menteri.
Di handap ieu aya beja ngeunaan mobil "Ahmadi", mobil listrik hasil karya kang Dasep Ahmadi, katingalna mah. Naha ieu kitu anu dimaksud panaratas industri mobnas ku pak Menteri teh? Lamun enya teh mobil Ahmadi ieu berbahan bakar listrik, hemat, kabeuli ku masyarakat rea, nya Alhamdulillah, bisa jadi rintisan industri anu luyu (layak) sacara ekonomi, sosial jeung lingkungan. Ngan, sakumaha kang Tantan Hermansah ngomentaran dina Facebook, kunaon aranna henteu "Dasep" anu leuwih mibanda wanda lokal, tinimbang "Ahmadi"? Usulan kang Tantan sigana "layak" oge pikeun ditimbang-tarajukeun laju diusulkeun. Beja ngeunaan mobnas Ahmadi bisa diakses di dieu: http://oto.detik.com/read/2012/07/06/153118/1959426/1207/seperti-toyota-mobil-listrik-nasional-dinamai-ahmadi Wilujeng kang Dasep, US tangtu baris reueus ka salira. Salam manar
