Nuhun Ki Abbas... Baktos, Zya
________________________________ From: Abbas Amin <abas_ami...@yahoo.com> To: kisunda <kisunda@yahoogroups.com>; urangsunda <urangsu...@yahoogroups.com> Sent: Tuesday, 10 July 2012 7:25 AM Subject: [kisunda] Cersil Sunda 221 Sabulan ti harita Adipati Ranuwijaya ngantunkeun. Padmini Kacida sedihna; nepi ka gogoakan nu ahirna kapiuhan pisan; lantaran waktu datang kadua kalina geus teu kaburu deui nempo ingkang Rama; lantaran tos dikurebkeun. Atuh abdi dalem pada baringung. Sanggeus rengse masalah eta; Arya Seta dijadikeun Adipati ngaganti ramana. Ti harita mah Padmini tara ka Jepara deui. Ayeuna Padmini leuwih ngonsentrasikeun jeung beuki soson2 ngalatih Lasmini; tapi sakapeung kaganggu ku Lasmini nu sok nanyakeun bapa; terus we Padmini nerangkeun yen bapa Lasmini teh hiji Pendekar nu Sakti; nu teu aya lawanna. Lasmini mani pogot dibarung reueus, ari ngadenge dongeng bapana teh; tapi mun manehna nanya ka ibuna dimana eta Pendekar ayeuna? Nyi Padmini kaciri rada bingung dibarung keuheul; nyaritana rada ngambang teu jelas; lamun didesek ku Lasmini, manehna rada nyentak :”Yeuh Nduk; mun hayang panggih jeung bapa hidep kudu HEBAT heula; mun henteu mah hese; lantaran bapa hidep teh rada sombong; embung ngaku mun hidep lemah mah.” Ti harita Lasmini na oge soson2 pisan ngalatih diri; da hayang panggih jeung bapa tea. Geus ampir poho dahar poho sare; ku keyeng2na Lasmini. Ku sabab keyeng pisan, kakara umur 15 taun ge Lasmini geus hese neangan tandingna. Terus we ku Padmini dititah ngalalana, bari ngadedenge sugan manggih raratan bapana nya eta Ki Nurustunjung tea. Atawa Sangga Prakosa. Waktu beubeurat ti na suku Lasmini dilaan; lain wae Lasmini, dalah Padmini ge kaget pisan lantaran Lasmini bisa luncat luhur pisan. Wah cek hate Padmini; aing inget baheula nu luncat luhur kitu teh Ki Sangga Prakosa. Wah enyaan dasar latihan anak aing alus pisan ; cek na hatena bari bungah Kacida. Soal lumpat oge; ayeuna mah Lasmini ngan sakolepat pisan; mun dititah ku Padmini tuh cokot kembang Ros nu Wungu di jajalanan; kereles indit; teu lila ngan sakolepat geus mawa Ros Ungu tea. Padmini beuki bungah. Nu rada hese mah ngalatih Lasmini ngabelesatkeun senjata rasiah tea; ti mimiti umur 7 taunan dilatihna teh; estu hese beleke; tapi ku sabab Lasmini keyeng pisan lantaran hayang panggih jeung bapa tea; nya ahirna mah Lasmini mahir oge ngabelesatkeun senjata rasiah teh. Ari elmu jurus, nya eta mah asli meunang nyiptakeun Padmini sorangan, lantaran loba tea elmuna. Bedana jeung Ki Nurustunjung; ari Ki Nurustunjung mah ngalebur elmu teh bari jeung disajalankeun jeung latihan nafas sarta hampang ragana; nepi ka enyaan elmuna buleud pisan; ari Padmini mah kurang salaras; tapi cukup hebat; ngajadikeun elmu nu anyar. Jadi memang di na hal ieu “kacerdasan” Ki Nurustunjung saluhureun Nyi Padmini. Nya ti harita Lasmini Dewi indit ti Cilosari, pikeun neangan pangalaman; ari Nyi Padmini ku sabab nyaah pisan ka anak; teu weleh nuturkeun bari samuni samuni; terus ngaganti ngaran jadi Nini Anti; nu hartina aya nu ditungguan. ( pangpangna bapana Lasmini ). HANCA Episode 59 : Lasmini Jadi Pendekar
