keur ngaderes ge ari aya CERSIL mah eureuh heula..:)
________________________________ Dari: Abbas Amin <abas_ami...@yahoo.com> Kepada: kisunda <kisunda@yahoogroups.com>; urangsunda <urangsu...@yahoogroups.com> Dikirim: Judul: [kisunda] Cersil Sunda 239 Teu karasa manehna nyorowok :”Bapa … ieu kuring anak bapa … sok kaluar ..!” “Hihihihi … kadenge sora awewe ngajauhan tempat eta. Wah geuning awewe … lain bapa atuh ari kitu mah … saha nya !? pipikiran Mawar Hideung rada bingung; tapi percaya yen eta awewe pasti Pendekar Sakti nu ngabantu manehna. Nya ahirna ngadahar pel nu aya di na bungkusan tea; sesana diasupkeun ka na sakuna. Terus we Mawar Hideung neruskeun perjalanan, enya we karasa sesekna leungit. Sanggeus mulan malen, akhirna Mawar Hideung tepi deui we ka Losari; manehna laporan ka Nyi Padmini lalampahanana; Nyi Padmini kaciri bungah pisan ngadenge lalampahan Mawar Hideung di dunya Kapendekaran; manehna sering cek cekan tanda pogot nanggap Lasmini ngadongeng. Palebah kaanehan aya nu nulungan manehna, Padmini ngan ukur mesem we; teu komentar naon2. Terus Mawar Hideung oge ngaluarkeun unek2 perkara bapana, naha sakitu geus tarung sababaraha puluh kali; geus nembongkeun kabisana naha bapana bet teu nemonan wae ? Kunaon nya ibu ? Saenyana mah Padmini rada keuheul ka Sangga Prakosa eta ku nurustunjung pisan kalakuanana, baheula teu parok ayeuna teu parok oge. Tapi ari ka Lasmini Dewi mah nyebutkeunana :”Bapa hidep teh hiji Pendekar Sakti, meureun bapa hidep teh hayang nempo hidep enyaan geus buleud ngawasa Elmu nu ayeuna dicekel ku hidep; jadi moal waka nembongan samemeh hidep enyaan jadi pendekar wanita nu pang nyongcolangna. Atawa bapa hidep ayeuna keur nyiptakeun hiji elmu nu sakti, nu teu bisa ditandingan ku sing saha wae.” Lasmini Dewi ngan ukur ngahuleng we teu loba tatanya deui. Tekadna hayang nomer hiji beuki kuat. Sanggeus saminggu aya di Losari , Lasmini ngarasa kesel lantaran ayeuna mah geus ngarasa “enjoy” pisan jadi Pendekar teh. Nya terus we menta idin rek neruskeun deui lampahna neangan Sangga Prakosa tea. Ku Padmini diidinan. HANCA