Geus teu aneh mun nenjo laku lampah anu umum ti ummat Islam di urang dina ngahareupan akhir bulan Ramadhan. Sararibuk, deur kaditu deur kadieu balawiri teu lalaki teu awewe, teu budak teu kolot. Di mal pinuh heurin ku tangtung, pajubel mareuli barang boh pakean atawa kadaharan pikeun labaran. Di unggal dapur kaum ibu-ibu ngagaletruk nyarieun kueh, rupa-rupaning kueh. Di unggal stasiun kareta api ngajubel jalma ngantai antri meuli tiket pikeun balik kalemburna, sumawona di terminal beus jalma heurin ku usik, silih dorong parebut korsi ameh bisa diuk. Hebat bin hebring urusan ngabelaan antri meuli tiket ti subuh meletuk sampe teungah poe ereng-erengan, najan padesek-desek silih dorong campur bau kesang teu paduli anu penting kabeli tiket kareta api. Teu nolih kana kawajiban, shalat ditinggalkeun, puasa sumawonna nyelepus udud isuk keneh bari awak ngajengjehe nyarande kana tihang stasiun ngabelaan ceunah ameh bisa "lebaran"di kampung. Dimangsa jalma-jalm asaribuk ngudag urusan dunya di akhir bulan Ramadhan, dimangsa eta Allah nyadiakeun hiji peuting anu istimewa di akhir bulan Ramadhan nyaeta peuting Lailatul Qadar. Naon ari Lailatur Qadar teh? Lailatul Qadar nyaeta hiji peuting anu pinuh ku kautamaan jeung barokah. Sakumaha Allah geus ngajeulaskeun dina surat al Qadr : : وَمَا أَدْرَاكَ مَا لَيْلَةُ الْقَدْرِ لَيْلَةُ الْقَدْرِ خَيْرٌ مِّنْ أَلْفِ شَهْرٍ تَنَزَّلُ الْمَلَائِكَةُ وَالرُّوحُ فِيهَا بِإِذْنِ رَبِّهِم مِّن كُلِّ أَمْرٍ سَلَامٌ هِيَ حَتَّىٰ مَطْلَعِ الْفَجْرِ "Dan tahukah kamu apa malam lailatul qadar itu?. Yaitu suatu malam yang lebih baik dari seribu bulan. Pada malam itu turunlah para malaikat dan ruh (malaikat Jibril) dengan izin Rabbnya untuk mengatur segala urusan. Malam itu penuh dengan kesejahteraan sampai terbit fajar." (Al-Qadr: 2-5) Tah, naha urang arek sibuk ku urusan dunya atawa sibuk kuurusan ibadah di akhir Ramadhan? Ngudag urusan dunya samodel antri tiket di stasiun melaan hudang janari meletuk sampe ka teungah poe poho shalat, teu poho dahar beurang di bulan ramadhan, oge poho cape, sumawonna kana peuting Lailatur Qadar. Naha maranehna oge poho kan modar kitu? Baralik (mudik) ka lembur rek lebaran, bari hanteu shalat jeung puasa, naha pantes jalma model kitu ilu lebaran? Apan Allah ngageuingkeun jalma anu ariman sangkan puasa ameh ningkat kataqwaannana. Jadi anu pantes ngarayakeun lebaran nyaeta "Hei jalma-jalma anu ariman diwajibkeun pikeun maraneh paruasa sakumaha geus diwajibkeun ka jalma-jalma ti heula saencan maraneh sangkan maraneh taraqwa" (QS. Al Baqarah : 183).
