Sok hayang seuri, lain rek nuduh ka sasaha ieu mah nyaritakeun jalma-jalma anu aya di na realita kahirupan sapopoe. Sok pernah ngadenge beja si A jadi Pamimpin tapi sok rajin ngadatangan Paranormal, teuing rek naon. Heueuh sok pikaseurieun wae. Ieu mah ceuk bi Iroh (ngaran samaran) aya hiji jalma ngarana Bohi (ngaran samaran) jadi Pampinan (Direktur). Jabatan pimpinan pastina jabatan Top Management anu boga pangaruh jeung kakawasaan. Pastina jadi Pamimpin teh kudu sakola luhur, jeung ieu pasti satiap pamimpin boh di pamarentahan atawa di parusahaan kudu boga pandidikan formal Paguron Luhur. Da moal aya kiwari anu jadi pamimpin sakolana kaluaran EUS EUD, kacuali jadi Katua EUR EUT jeung Kapala Kaluarga, da ieu mah henteu kudu make syarat pandidikan akademis. Anu rada teu kaharti ku si Bohi teh, abong sakola luhur (intelektual), mindsetna jiga urang Lembur anu bau lisung anu can pernah nyakola. Atuh aneh anu boga pandidikan luhur ditambah softskill aneka macem ilu kurus eh kursus, seminar, workshop boh dalam nagri atawa luar nagri, tapi bet kunaon percaya ka si Dukun anu nota bene teu nyakola! Ceunah rajin datang ka dukun teh ameh kadudukan jadi pamimpin ulah goyang, jeung deui sakabeh bawahanna tunduk, turut kana sagala parentahna. hA..HA..HA..Aduh Iroh! Cilaka ieu mah! Eta elmu pamake salila mondok di paguron luhur disimpen dimana? Dina dengkul? Teuing kaasupan jurig mana, eta si Bohi jadi guguru ka dukun lain guguru ka Professor. Hayang kapake jadi Pamimpin, hayang disegani ku bawahan atawa rekan sasama pajabat, atuh tembongkeun kompetensi salaku jalma anu geus nyakola di paguron luhur, tembongkeun integritas sabage manusa anu berpendidikan. Apan jalma anu berpendidikan luhurmah mah mindsetna beda jeung jalma anu kaluaran EUS EUD. Etikana leuwih santun, moralna leuwih kabimbing jeung terarah. Na kunaon si Bohi sieun kadudukana kagoyangkeun atawa ka geser lumpat ka si Dukun? Ieu meureun jalma anu katerapan panyakit paranoid.
Salam, -- *Henteu perlu nyaho saha kuring, sabab kuring lain anjeun jeung anjeun lain kuring.* *Pesen kuring "Elmu Tuntut Dunya Siar".* *Ceuk aki kuring : "Worship as if you will die tomorrow, and work as if you will live forever"*
