Subject: Cersil Sunda 299 From: Abbas Amien <[email protected]>
To: [email protected], [email protected] Content-Type: multipart/alternative; boundary=bcaec52e5e3b0eff8904cd02e528 --bcaec52e5e3b0eff8904cd02e528 Content-Type: text/plain; charset=ISO-8859-1 Episode ka 70: Gorombolan Singa Barong Tunda heula Ki Bejo nu betah di Leuwiseeng, ku sabab loba muridna, ayeuna urang tempo kaayaan di daerah Pulo Jawa, sanggeusna Nyi Padmini jeung Mawar Hideung indit rek neangan Ki Nurustunjung. Ayeuna di mana2 mucunghul Bandera2 nu ngagambarkeun seuneu hurung; eta teh cenah mah lambang kumpulan Singa Barong. Naon sababna dingaranan Singa Barong ? Ari Lambangna naha bet seuneu hurung ? Ngabebela ? Saenyana mah eta gambar seuneu hurung mun ditilik disidik sidik memang aya mataan, ceulian, aya irungan jeung huntu ranggeteng nu disaput ku bulu ngarupakeun seuneu hurung ngabebela; nu matak disebut Singa Barong. Singa Marong nu maksudna Singa nu mawa seuneu hurung; ari lambang seuneu memang dipake ku sekeseler Gunung Bromo; nu masih loba keneh turunan Kediri; nu hayang nempo kajayaan jaman bihari Saperti Raja Jayabaya. Tapi maranehna teu wani gerak; lantaran rumasa teu boga kakuatan sama sakali. Lolobana mah, maranehnaa teh ngajauhan we ti masyarakat umum, lantaran embung kapangaruhan ku Agama anyar nu matak nyusahkeun cecekelan maranehna. Tali paranti karuhun maranehna. Rata2 pamimpin ieu kumpulan teh asalna turunan Brahmana jaman Majapahit jeung Kediri; maranehna ngan ngajalankeun we tata cara para luluhurna; samasakali teu hayang atawa kabita ku agama anyar. Tapi di na hiji mangsa; loba nu milu agama anyar tapi diudag ku Para kokolot agama anyar lantaran dianggap mengpar; tah golongan nu ieu ngaku golongan atawa turunan murid2 Syech Sidhi Jenar; terus we ngahiji; silih pangaruhan.
