Nyi Epon mani seuri nempo Ki Sarwa maju; na hatena awas siah bakal dijadikeun bal siah ku aing; tuman make wawanian ngalamar ka aing siah. Tapi hatena rada heran, naha Ki Sarwa jadi wani ? Naon nu diandelkeun ? Tapi ari nu kaluar mah imut nu ngirut tea; bari pok nyarita :”Sok Kang Sarwa; maju urang uulinan 10 jurus mah, cenah.” Tapi kieu wae atuh nya ; mun Kang Sarwa bisa nahan nepi ka tilu jurus we; kuring bakal taluk !”
CAK !”Cek Ki Sarwa lantaran dititah ku nu ngirim sora tanpa jirim. Nu sejen mani reang:”Nyakseni …!” Nyi Epon nu tadina hayang ngaheureuykeun Ki Sarwa jadi amarah … heat ! teu antaparah deui ngajejek Ki Sarwa … Ki Sarwa gancang ngangkat leungeunna … da di titah ku sora misterius tea. Plakkk ! sora leungeun nakis diadu jeung jejekan … koloyong Nyi Epon ngoloyong ampir we tijungkel ! Nyi Epon heran … euleuh geuning tanaga jerona Ki Sarwa sakieu hebatna ? Naha nya bisa katangkep ku cacing cauna Singa Barong ? Api2 wae kituh ? Kitu pagaliwotana pikiran Nyi Epon … tapi basa eta sidik ieu Ki Sarwa teh teu bisa naon2 .. wah cingan urang serang deui .. terus we Nyi Epon nyerang ku jurus2 Walet nyamber … Ki Sarwa boro2 masang kuda2; ngan pakupis we nurutkeun titahan sora . Kumaha hasilna ? Nyi Epon ngajungkel mani nangkuban. Wah geus dua jurus yeuh ? Padahal mun gagal aing kudu taluk ?! Nyi Epon ayeuna jadi nekad terus we ngarawu batu laleutik ti na sakuna bakal ditaburkeun ka Ki Sarwa; Ki Sarwa rada mundur kaciri gigis pisan; tapi manehna malah dititah maju ku sora nu teu kaciri tea; nya sieun2 ge Ki Sarwa maju ngadeukeutan Nyi Epon. Hiaaat ! nyi Epon ngulangkeun leungeunna ; batu laleutik rabeng nyerang Ki Sarwa; mun keuna tea mah pasti Ki Sarwa bakal ngajungkel ! Aduuuh ! golepak we Nyi Epon kapaehan … lantaran badanna sorangan kaserang belasan batu nu dibaledogkeun ku manehna sorangan; ayeuna malah nyerang nu bogana. Atuh Ki Sarwa mani dugdug degdeg nulungan Nyi Epon; tapi ngan sakeudeung Nyi Epon geus sadar deui; barang nyaho yen manehna keur diropea ku Ki Sarwa ceprot2 wae Ki Sarwa ditampiling dua kali; mani leng2an; ampir we Ki Sarwa ge kapaehan. Nya ahirna mah, Nyi Epon jadi ditikahkeun ka Ki Sarwa; pestana ge 3 poe 3 peuting; tapi di kamar panganten mah aya kajadian helok; lantaran Ki Sarwa ngajehjer kapaehan dicabokan ku Nyi Epon; nya atuh pada marisah; bari nyebutkeun yen Nyi Epon ka salaki teu meunang kitu doraka. Nya atuh kapaksa Nyi Epon nurut; bari jeung heran naha kamari Ki Sarwa sakitu hebatna; ari geus jadi panganten mani lemah pisan. Hanca
