Ari teu lila teuing pegat mah, jadi karasa rame deui maca cersil teh bah. Hatur nuhun pisan....
Si Aliy Powered by Sinyal Telkomsel Odong-odong® -----Original Message----- From: Abbas Amien <[email protected]> Sender: [email protected] Date: Thu, 10 Jan 2013 19:19:00 To: kisunda<[email protected]>; urangsunda<[email protected]> Reply-To: [email protected] Subject: [kisunda] Cersil Sunda 329 Isukna waktu ditanya ku murid2na naha rek diteruskeun protesna ? Ki Bejo bari nyentak ngajawab :”Hus ! ulah ulah gagabah ! ieu mah jelema saktina karamat; pasti ieu teh roh hiji shohib kuring. Jadi geus we ulah geruh ! Ulah wani ngaganggu ka Ki Sarwa; anggur urang doakeun eta arwah teh bisa tenang jeung moal ganggu ka urang sarerea.” Nya atuh murid2 teh bubar bari mawa sarebu hiji tanda Tanya na hatena masing2. Tilu poe ti harita Ki Bejo pamitan ka urang Leuwiseeng; terus we nuju ka Wanayasa rek neruskeun ngajina ka Pasantren di Wanayasa. Ki Bejo sajajalan nguluwut jeung sedih; manehna inget ka sobatna nu manehna nyaah pisan; tapi ayeuna keur kakeunaan Tapak Sakti Jaya Ludira. Wah boa2 cek hatena ? Tadi aya sora nu nongtoreng pisan ka na ceulina; sidik eta sora sobatna ? Tapi naha kakara ge 1 taun leuwih ? piraku eta Ki sobat geus sakitu hebatna ? meureun ieu mah rohna sugan ? Enya saluhureun manehna Elmuna ; tapi da moal jauh teuing atuh ? Tapi nu ieu mah jauh karasa sakti pisan, ah pasti lain manehna, Mun tea mah kadenge siga sobatna, dedengeeun wungkul ; lantaran manehna hawatir tea. Ku sabab boga pikiran kitu Ki Bejo sadar yen manehna geus rada mengpar ti na amanat baheula sobatna; nya eta kudu masantren tea; ee lain masantren, malah jadi guru Silat di Leuwiseeng. Ku sabab ayeuna geus sadar, Ki Bejo gancang we indit ka Wanayasa. Nya ahirna ditarima; terus we Ki Bejo soson2 diajar di dinya. Bari jeung manehna tetep mawa kasedih nu jero pisan lantaran nyangka ki sobat geus cilaka. Tapi masalah Nyi Epon mah geus dipopohokeun ku Ki Bejo sama sakali. Barang Nyi Ipah ngadenge Ki Bejo aya di pasantren terus we Nyi Ipah nalengteng masalah Jalma; derekdek we Ki Bejo ngadongeng masalah Jalma kacilakaan tea; bari tungtungna manehna nyarita yen mungkin wae Jalma geus cilaka. Tilu poe ti harita Nyi Ipah pamitan ka bapana jeung ka akina rek balik deui ka Wetan; lantaran bisi kuma onam di Losari; jeungna deui rek neangan Jalma; nya atuh Nyi Ipah teh balik deui ka Losari. Teu kacatur di jalanna; nepi we Nyi Ipah ka Losari ….. tapi barang jol, manehna Kacida kagetna lantaran imah geus ledis diduruk; euweuh hiji ge badega nu kaciri aya di dinya. Kacida sedihna Nyi Ipah waktu harita. Sedih, ambek, keuheul; era ku tanggung jawab ka Guruna ; kumaha ieu aing ? cek pikiran Nyi Ipah ? Nya manehna indit ka Kota Gede nanya ka ditu ; ka dieu; Manehna nanyakeun kabeneran ka panginepan nu bareto dianjrekan ku Jalma; ti maranehna Nyi Ipah meunang katerangan, yen aya jelema2 make berego jeung pakean hideung daratang ngajorag ka Losari; daratangna maranehna cenah mah rek males pati; duka naon pasalna mah; ngan wae maranehna mawa bandera nu digambaran ku seuneu ngabebela. Gorombolan Singa Barong, barang nyaho yen pasukanana di wiwirang ku hiji pendekar wanita; nya eta Nyi Epon nu ngaku ngaran pendekar Wanita Alas Purwo; kacida amarahna . Maranehna jangji bakal neangan Nyi Epon pikeun males eta wiwirang. Nya atuh ti semet harita gorombolan Singa Barong salian ngajalankeun usaha sapopoe, oge ngalakukeun panalungtikan dimana ayana eta Pendekar Wanita Alas Purwo. Maranehna ge geus ngadenge yen nu pangjagona harita euweuh deui iwal Ti Mawar Hideung; maranehna ngarencana rek neangan Mawar Hideung oge rek nangtang tarung; mun perlu tarung patutunggalan antara Ni Luh Santi lawan Mawar Hideung; nu bakal nangtukeun saha nu leuwih kuat diantara eta dua jago. Nyi Ipah teg we ka Gorombolan Singa Barong ! Aya naon, atawa naon pasalna eta gorombolan make ngamusuh ka imah di Losari ? Di na hal ieu Nyi Ipah enyaan teu ngarti sama sakali. Tapi cek na pikirna masing kalah kumaha oge, manehna kudu males pati ka eta Gorombolan; lantaran geus ngaduruk imah jeung mungkin wae, nyilakakeun para badega. Nya geus boga patekadan kitu mah belenyeng deui Nyi Ipah indit ti dinya; manehna nekad rek ngontrog ka Gunung Bromo; kuma engke we cenah; lantaran rasa tanggung jawab Nyi Ipah ka imah di Losari jeung para badegana. Sapanjang perjalanan , manehna ngarasa asa aya nu nuturkeun; tapi teu pati diperhatikeun ku Nyi Ipah; terus we manehna nuju Gunung Bromo. Sanggeus aya samingguna diperjalanan, Nyi Ipah ayeuna geus aya di hiji tempat nu jalanna lungkawing pisan; eta tanda geus deukeut ka daerah Gunung Bromo; manehna bari terus nuju ka hareup; manehna ge waspada lantaran pasti didaerah ieu loba kokoncod Singa Barong. Episode 77 : Nyi Ipah cilaka Hanca
