Tah waktu harita papanggih jeung Ki Joyo Sembodo; nya atuh Kidang Kancana lain nyamos bae; tapi oge rugi gede.
Di Pasir Buncit ; Ki Joyo Sembodo enyaan ambekna; manehna nepi ka cocorowokan nyarekan anakbuahna; tapi teu wani ari ka nu opatan mah. Tapi ku sabab cocorowokan kitu, lila2 Ki Jumsa sebel terus nyentak :” Eh Joyo Sembodo ! Nu kudu disalahkeun teh lain anak buah !@ Tapi urang yeuh para pamimpinna teu becus !” Burileng panonna Ki Joyo Sembodo, manehna kekerot; terus nyentak :”Aeh nangtang siah ka aing !” Keur kitu Ki Seta oge nyarita :” Eh Joyo Sembodo, maneh tong ngarasa ieu aing pangjagona ! maneh teh kapan geus sababaraha kali ngajungkel !? eleh na tarung !? Naha teu jadi palajaran !?” Peureus omongan Ki Seta. Joyo Sembodo kekerot terus rek nyampeurkeun Ki Seta; Ki Seta taki2 rek ngayakeun perlawanan. Tapi kaburu kapegat ku omongan Ki Uca :” Ti saprak ieu kumpulan dipimpin ku Joyo Sembodo; asa can ngajaran meunang kagumbiraan; eta hartina …” Ki Uca teu kaburu namatkeun omonganana lantaran Ki Joyo Sembodo geus nyerang manten; atuh langsung Ki Uca nakis; kaciri manehna kokoloyongan. Ki Jumsa jeung Seta gancang ngabantuan ngerepuk Joyo Sembodo ! atuh rame nu tarung. Keur kitu Ki Gento nyorowok :”Eh cing saladar atuh ! Areureun !” Ku bentakaan Ki Gento nya nu garelut laluncat silih jauhan. Hanca
