Cacahan Bantenan - Si Kejoy Salingkuh Ku Intan Jamsah
"Cecelengcengan bae tah si Kejoy nyah, padahal aing meleng sakeudeung doang, kuat aing nyileuk geus euweuh," ceuk si Saad, bari ngagurutuk tea bebeja ka si Satnah. "Ari itu ti marana Ka Saad?" "Eta tas ti pasar rek meuli pangasahan ja pakarang marintul kabeh teu neurak kana batang cau cau acan." "Oh ...," ceuk si Satnah, "Ulah gandeng Ka, si Kejoy mah sok ka imah bebenena, urut kabogoh baheula kuari rangda deui." "Ulah pitnah dia Satnah," ceuk si Saad. "Ih demi amat keur ieu geh kapanggih ngabonceng ku Kula," ceuk si satnah. "Nya geus burung ari geus kanyahoan kitu mah, kaharti ku aing mun kitu mah, geus aing rek balik sorangan bae," ceuk si Saad. Barang geus naek ojeg, batur si Saad turun deui ngabejaan si Satnah, cenah kieu, "Awas dia Satnah, ulah bebeja ka si Rumsah pamajikan si kejoy dia nyah, mun si Kejoy sok nganjang bae!" Atuh teu antaparah deui si Satnah ngajawab, cenah, "Atuh aing geh lain nu bodo Saad, mun aing bebeja mah saruana bae aing ngahancurkeun rumah tangga si Kejoy." "Heueuh dia bagus," ceuh si Saad. Hartina mah eta budak dua nutupan kalakuan si Kejoy, ja karunya bisi rumah tanggana BARUNCAH. (Diedit ku Ki Hasan)
