Woooow hade Mang Yadi, Lain nangkep meureun bisi dihubungkeun ka nangkeup nu nangkarak xixixi tapi napsirkeun :D.
Ngan hanjakal palebah No. 2 nu teu meunang ngadeukeutan jinah hahaha.... Mamang rada kurang sepakat euy hahaha. Estuning atuh mani estuning xixixi. Ceuk Al Ustad Al Mukarom Al Exis ieu teh ayat mutasyabisyuuuul matak lieuuuur mun dibaca nikmat mun dilakonan hehehe. nuhuuuuns, mang kabayan www.udarider.com -----Original Message----- From: YADI supriadi wendy <[email protected]> Sender: [email protected] Date: Fri, 19 Jul 2013 16:29:45 To: <[email protected]> Reply-To: [email protected] Subject: [Urang Sunda] Cara Kuring Nangkep Ayat-Ayat Quran Dulurs, Ieu mah babagi we, pedah salami ieu dina milis mani rame nyawalakeun Adam, nu di antarana teu cocog pamanggih naha Adam teh manusa munggaran atawa mung saukur nabi munggaran? Ari nu jadi rujukan mah sarua, ayat Quran nu sarua, sarua oge tarjamahna. Tapi kunaon bet jadi beda dina panampaanana? Tah ieu maksud kuring teh , kulantaran kuring kalibet di dinya, jadi hoyong babagi ngeunaan pamanggih kuring dina nangkep ayat-ayat Quran. Kitu oge pami dulurs rido nampina. Quran teh eusina dawuhan Allah ta ala nu eusina estu pinuh ku berkah, nu moal layu kabayuan atawa keuna ku sawawa nepi ka iraha bae oge. Kukituna pasti seueur permisalan-permisalan di lebetna. Quran teh ditulisna dina basa Arab, dimana urang can tangtu bisa langsung ngahartikeuanana, sanajan nu ditulis kitu, tapi kudu ditingal sakurilingeunana. Quran teh Kitab Suci nu pangsampurnana, jadi pamohalan ayat-ayatna pabentar jeung ayat-ayat sejenna. Samalah estu bakal silih nguatkeun hiji ayat ku ayat sejenna. Jeung rea-rea deui, semantara cukup sakitu bae heula…. Di handap ieu sababaraha conto nu dibantun ti ayat-ayat Quran, tapi dina neuleuman maksudna estu kudu ngagunakeun kamotekaran dina nerapkeun hal-hal di luhur tadi. 1. Aya larangan teu meunang nyebut “Ah” ka indung. Kulantaran nu teu meunang teh nyebut “ah” wungkul, naha mun nganyenyeri meunang? Sanes kitu pan? Tetep teu meunang, komo malah! 2. Aya larangan teu meunang ngadeukeutan jinah. Jadi mun langsung ngalakukeun jinah, meunang? Ih tetep we teu munang! 3. “Panangan Allah aya di luhureun leungeun anjeun” (ayat ALquran). Ari kitu Allah kagungan panangan siga manusa? Pasti kaharti lah… 4. “Kami nu nurunkeun beusi”. Tah naha beusi teh turun ti langit siga halna cai hujan? Sanes kitu, tapi memang beusi, mangrupi bijih beusi, tos aya dina jero beuteung bumi. 5. Dina An Naml, aya ayat nu rada “porno”, “dan ia menyingkapkan kain dari betisnya”. Simana horeng kalimah eta teh mangrupa paribasa Arab nu hartina “siap pikeun digawe”. Sami hal mun urang narjamahkeun “ringan tangan”, omat ulah jadi “hampang leungeun” tapi kudu “daekan”. 6. Jeung rea-rea deui….. Tah kitu cara kuring di antarana nu dipake pakarang pikeun nagkep harti ayat-ayat Alquran sok sanajan sacara leterlek hartina kitu, tapi maksudna can karuhan kitu. Jadi cara kuring dina nangkep harti “Kami rek ngajadikeun khalifah di bumi”, sami halna sareng ayat “Kami ngutus Musa ka firaun”, teu kedah dihartoskeun Nabi Musa as langsung ti langit diturunkeun di pakarangan istana karajaan firaun, tapi sacara alamiah Nabi Musa hirup kumbuh di lingkungan firaun. Oge saperti dina AlMaidah “dan engkau menyembuhkan orang-orang buta dan yang berpenyakit kusta dengan perintah-Ku; engkau membangkitkan yang telah mati dengan izin-Ku”, kuring di dieu ningali konteks-na, nyaeta Nabi Isa as salaku dokter rohani – sanes dokter jasmani (physician). Jadi nu dijageurkeun oge pasti moal jauh tina halna ahlak. Mun lolong, pasti lolong hatena, mun kusta, pasti hatena nu korodok. Kaasup mun maot, pasti maot rohanina, alias tos teu ngabogaan budaya hade. Sementawis sakitu bae heula, da pami diteruskeun mah boa moal beak dugi ka maghrib. Padahal indung budak yeuh nungguan di Bandung. Wilujeng bobor shaum……. (Mangkade pami buka sareng sate kambing, pastikeun kambingna nu tos bisa ngojay) -- -- Wassalam, Yadi Supriadi Wendy .: dikirim ku kadeudeuh :.
