[Lantak] Re: TJAEE ACEH

[indonesia teroris]

MUSIBAH TSUNAMI + HELSINKI  = MUSIBAH OTONOMIUléh: Abu FirdausNARIT PEUTURIAssalamualaikôm saleuëm ulôn briKeu bandum akhi tuha dan mudaAduën ngon adoë,  ajah dan ummiNjang tém padôli keu hai meurdéhkaUlôn meudô’a bak Po Teuh RabbiKeu bandum ahli agam ngon daraBeu mangat asoë bèk na njang seu-iBak ta hadapi musibah rajaMusibah rajek njang ka Allah briTeuka tsunami óhlheuëh trôk gumpaTanjoë geu udjoë uléh Ilahi Wahé e akhi beurajek sabaMeurutôh ribèë woë bak IlahiAneuk ngon ummi geukubu massaManjèt teutiëk-tiek di glé ngon pasiAllahu Rabbi ramè lumpahnaLeubèh lom peudéh watèë ta kadjiPeukateuën TNI di Atjèh rajaDjilabon rakjat han saban sakriTrôk bak án baji hana djikiraSidumnan rajek bala Tuhan briMilitè operasi djipijôh hanaDjipeugah Atjèh mantong dharuriPresiden decree
 periode keuduaSaboh treuk musibah ulôn neuk rawiSidéh Helsinki dilua kutaDjuôh di gampông han trôk ta iliKalon bak tivi batja WaspadaUlôn neuk peutrang Rapat HelsinkiLôn keuneuk rawi ubéna kadaSupaja ngat trang bèk na njang sangsiPeuë njang teudjadi sinoë diluaKon keu beurakah, kon kareuna dengkiKon provokasi njang ulôn reukaKareuna sajang ulôn keu akhiBèk keunong taki kali keuduaNanggroë Finland njan gura han sakriHana saban hi ngon nanggroë2 SkandinaviaBasa djimarit  geupeunan SoamiSaboh famili ngon HungariaMeunjo ka bungèh djikheun paarkeliDummalawnen  akhi djitamah teumaHyvää huomenta njan seulamat pagiTapaamisiin meurumpok lom teumaMa kuta Finland nan djih HelsinkiDisinan akhi rapat geupugaKeu mediator Martti AhtisaariGobnjan that ahli politék luwaPeukara konflik dan diplomasiKalheuëh gob udji tjarong
 lagèënaKosovo Bosnia kalheuëh geumediasiTuhan teukeudi meuhasé raja’Ohnoë keuh dilèë narit peuturiKeudéh Helsinki djinoë ta teukaGAM  deungon RI mula diskusiBaih otonomi wahé sjèëdara…….HELSINKI RONDE PHÔNTanggai dua tudjôh buleuën DjanuariGAM deungon RI phôn duëk meuhabaJôh gohlom meuduëk kalheuëh meudjandjiHandjeuët djak tji-tji peugah meurdéhkaHandjeuët referendum keunan djak sudiHandjeuët na opsi njang bèë meurdéhkaAgenda rapat beuna o ngon i (otonomi)Kheun Ahtisaari njang po atjaraHak otonomi tjuba djadjakiSira djéb kupi peuturi mukaPakriban tjara ta implementasiBèk lé Seurambi lam harô haraBèk lé na muprang GAM ngon TNIBèk lé ngon RI tanjoë meudawaTji tjèp-tjèp dilèë hak otonomiKadang tjit rasi gantoë meurdéhkaMeunjo GAM han tuëng agenda RIRapat Helsinki tan djadèh pukaPuga prang
 raja geureutak sipaiMalék dan Zaini kuju lam dadaMeunjo lagèënjan, kheun dr ZainiUndang Nur Djuli u SwediaSabab rakannjan toë ngon sipa-iMungkén na opsi laén ta mitaGAM meuduëk pakat teumpat di AlbiPeudana Meuntri puka bitjaraBak gata peuë na hai adék DjuliPikéran ta bri bantu kakandaBèk ta peugagai program HelsinkiBaih otonomi pulang keu gataTanjoë that lumoëh dalam posisiSeudangkan RI teuga lagèënaTeuntra TNA handjeuët lôn rawiTan lé kendali  bak kamoë (m-z) dua Dji antjam ulôn meutubi-tubiMeutan solusi sinoë diluaMeutan harapan njang akan lôn briAlèh keuh pakri nasib TNAMungkén tjok silop dan angkat gakiPeukeuë u Djambi atau MalajaDjuli djiseu-ôt keunong han sakriSang otonomi, bang tan peukaraTapi bak TNA bèk deuh that meuri”Pemerintah sendiri” ta propagandaBèk dilèë peutrang deungon
 peurintjiTakôt deuh meuri lagèë njang ka na (o-i)Bah meugulé-gulé lagèë boh guliLheuëh ta rôk rapi, soë gujang teuma?Dudoë bak media marit Nur Djuli Bak lôn solusi meu-untông banduaKeu GAM pih tjotjok, keu RI meukriKon otonomi, kon tjit meurdéhkaLôn peuséb ’ohnan peukara DjuliNjang atô strategi Atjèh MeurdéhkaDjinoë ta gisa keudéh HelsinkiGAM deungon RI meuhadap mukaSeulamat datang u kuta HelsinkiKheun Ahtisaari rapat geupukaAgenda pokok baih otonomiLaén diskusi njan lumbôi duaIndon beu-et djaroë meumèt-mèt bibiWaki sipa-i batjut tan sabaLadju dji su-euë bak GAM delegasiPeuë UUD otonomi kalheuëh ta batja?Kamoë trôk keunoë kon djak diskusiTjit saboh opsi njang na kamoë baMeunjoë han ta tuëng atra kamoë briTji hadap RI deungon seundjata!Ladju geubantah lé GAM malikiDeungo hai pa-i kamoë tjalitraDi Atjèh
 mantong militè operasiMalam ngon hari GAM kadjak mitaPijôh prang dilèë GAM ngon TNISupaja meukri bak peugah habaPijôh seumupoh ateuëh civiliTarék TNI u markaih teuntraSupaja djeuët tulông kurubeuën tsunamiBèk ta halangi beunantu luaBèk ta bôh sjarat keu relief operasiKebebasan ta bri keu bansa dônjaLadju djisu-ôt delegasi RIKamoë tan sudi gentjatan seundjataMeunjo meupijôh buët operasiHana areuti peuë njang ka meupugaKarab dua thôn Atjèh lam emergencyKa habéh Rupi meudjuta laksaLe that ka maté bribmob TNIBèk na diskusi peu-iëm seundjataMeunjo teutra GAM goh ta lutjutiMiliter operasi meupijôh hanaSabab Atjèh njan wilajah RIHandjeuët GAM milisi ba ba seundjataRonde njang keuphôn hasé tan meuriDuëk singklét gaki sira meuhabaHana le narit meupansa – pansiSaléng meuturi, meutjok-tjok gambaDelegasi GAM ka deungon
 RITeudong meuriti sang meu-adoë-aDi Malék Mahmud seunang han sakriSabé deuh gusi di dalam gambaWatèë di interview lé sidroë wartawati“I am very happy” titah perdanaKa rab dua thôn djaroë  lam gariDjineuk adili lé  SwediaTapi djinoë lôn seunang han sakriNgon moto mersi keunoë lôn djibaAdak meukon na rapat HelsinkiUlôn ngon Zaini djadèh lôp peundjara…Lheuëh dua uroë duëk di HelsinkiBeudoh sipa-i  djaroë peurabaPeuraba buku teuntang otonomiKeu Peudana Meuntri Atjèh lam bala”Wahai Pak Malek yang dikasihiTolong pelajari dengan seksamaSebelum bertemu Februari nantiSemua isi (musti) sudah dibatja”Ohnoë keuh dilèë phôn basa basiHana geu ungki njang gasa gasaDjinoë lôn sambông haba njang intiRapat Helsinki ronde keuduaHELSINKI RONDE KEUDUAAllahu Allah, Allahu RabbiTuhan teukeudi GAM dalam
 bala’Ohlheuëh dji ikat djaroë ngon gakiDjibôh lam guni u Finland djibaMarwah ngon prinsip tan lé padôliPeunténg bak tivi beuna deuh mukaAsai ka sôk djaih, ikat ngon dasiDak otonomi tan na peukaraNjang peunténg na duëk deungon sipa-iPeukara solusi njan lumbôi duaDaripada meuwot-wot di Norsborg-AlbiTan aktiviti keuridja pih hanaDjinoë lôn peugah haba njang intiRapat Helsinki ronde keuduaBak  dua plôh sa buleuën FebruariMartti Ahtisaari rapat geupukaDari pihak GAM njang ulôn turiGeunantoë wali Malek  keutuhaLaén anggèëta Bakhtiar dan ZainiTamah Nur Djuli dari MalayaTeuma sidroë treuk Nurdin RahmaniDari Australi gobnjan geuteukaPenasihat GAM peureulèë ta turiDamien Kingsbury geurasi namaGobnjan pensjarah bak universitiAsai Australi sidéh gampông maDjeuët keu penasihat GAM delegasiUntôk juë kadji usôi
 DjakartaBak uroë keu phôn rapat mulaiHak otonomi djeuët keu agendaRI djipeusak barang ka basiGAM delegasi mula bitjaraKeu kamoë tan brat wahé  sipa-iKeu otonomi teumakôt hanaTuntutan kamoë phôn ta penuhiJôh goh otonomi kamoë bôh tandaPhôn ”self government” pajah ta kadjiPajah ta rintji pakriban rupaPeureulèë watèë keu kamoë ta briPeugot komunikasi ngon rakan dumnaPeunutôh kamoë sinoë HelsinkiGeuratifikasi di nanggroë teumaPajah geutèkèn deungon raseumiMeuhan hana si peunutôh njang naGo njoë pajah rôh bandum organisasiNjang tém padôli keu Atjèh muliaHa séb GAM mantong wahé e RISabab tjok otonomi geuhon lagèënaWatèë teuga GAM laén lom strategiHandjeuët le organisasi ikôt seurataBandum beutundôk dimijub WaliMeunjo meu-ungki antjaman teukaUroë njoë kamoë lapè ngon seu-iBak peutheun gengsi
 kamoë  that teugaDi Vanuatu teudong EmbassyDjinoë teubukti sapeuë pih hanaNa saboh hai treuk peunténg ta kadjiIstilah otonomi ta gantoë namaBèk lé nan nan sot ta aplikasiMula bak DI peugah istimewaSabab naritnjan le ureuëng beuntjiBak sosialisasi pajah lumpahnaTabôh nan laén ”pemerintah sendiri”Ngon otonomi tan dju-ôh bidaTa tuka baluëm ngon variasiMangat bèk meuri lagèë njang ka naPeutari bungkôih beuwarna-warniMangat ta taki rakjat ubénaRakjat di nanggroë le that apatiPasca tsunami mantong lam traumaKesempatan njoë bèk ta laluiPemrentah sendiri peukong beusigraPermintaan keudua nakeuh amnestiAmpôn beuneubri keu kamoë sigraMeunantjit tapol njang di BetaviBèk lé taguntji dalam pendjaraDjuru rundéng GAM njang ka ta gariPeulheuëh hai RI bèk lé tadjak draMeunantjit kamoë dilua nanggriIdin beu tabri meuheut djak
 gisaMeu-atô Atjèh ban kheundak kamiMeukôn hai RI lagèë kheun gataMeupiléh keudroë-meuh tjalôn bupatiPeuë keuh di Sigli atau di LangsaTa bri kamoë GAM hak peugot partiHak demokrasi peudjak beu sigraLebel teroris  keu kamoë ta briBandum beu ta lhi djinoë bèk lé naBeudjeuët teuntra GAM ta integrasiDeungon TNI meusandéng duaNjang rajek-rajek atô buët RILagèë sekuriti dan hubôngan luwaSjari’ah Islam seurah bak kamiHasé alam ta bagi beu adé teumaTapi atranjoë peureulèë garantiBék lé teudjadi lagèë njang ka kaTuntutan keulhèë keamanan negeriBandum TNI tarék u DjawaNjang djaga Atjèh djôk bak polisiHak-hak asasi bèk na njang langgaSeundjata bak GAM djeuët ta lutjutiAsai garanti beu ék ta peunaMeunjo han djitém tren  ngon  amunisiTabloë keulai deungon rupiaMeunjo meu-’en pèng biasa meukriDak
 Teungku hadji mangat takiraTaktik lagèënjoë ka le gob udjiKalheuëh gob tji tji meuhasé rajaTeuma njang keupeuët hai monitoriMeusoë keu saksi njang pantoë teumaTeuntra PBB atawa Eropa UniNjang akan awasi bandum peukaraTeuntra PBB kheun AhtisaariSama seukali tan lam agendaDjawa han djitém internasionalisasiUsôlan RI nanggroë teutanggaAnggota ASEAN sibagoë solusiBeudjeuët keu saksi lagèë njang ka kaThailand Pilipina dan laén lagiMeunurôt RI tjotjok lagèënaBandum detailnjoë akan geu diskusi’Oh duëk keulai bak April teumaLe that peukara njang gohlom meukri”Pemerintah sendiri”  konsep gohlom naTuntutan keulimong padjan tamulaiImplementasi putusan njang ka naPeuteuntèë watèë beupasti-pastiBèk na njang ungki singoh ngon lusaNjoë keuh tuntutan GAM bak NKRIJôh goh otonomi geupeutren tandaDjinoë tji tilék peuë mungkén
 teudjadiSubatji teuliti pat na geundalaBATJUT TEUNAMAH’Ohlheuëh teudjadi musibah tsunamiAtjèh Serambi lam suka dukaDuka lam haté han ék soë kadjiTjubaan neubri ngon bandéng hanaKeu haba duka han peuë lôn rawiRata djeuëb tivi dilhôk lam dônjaTapi di seubaléknjan rahmat Allah briAtjèh ka djituri ban sigom dônjaKa meuplôh-plôh thôn Atjèh djiguntjiUléh sipa-i bak dônja luwaRakjat dum djidrop, djipoh djigariDilua nanggri soë pakoë hanaTeuma uroënjoë ’ohlheuëh tsunamiMeuribèë saksi trôk dari luaGeukalon keudroë ngon mata gakiKezaliman RI meuradjalelaUreuëng di nanggroë njang lôn hubungiSeunang han sakri bahpih lam dukaBandum  that gairah deungon beurahiHantom teudjadi lagèënjan rupaMeuribèë-ribèë rata djeuëb nanggriTeuntra Australi pih ka trôk teukaKapai prang Amerika beserta heliEropa Uni, Djeupang,
 BeulandaRakjat that seunang ngon situasiBak geukalon hi ka toë meurdéhkaEuntanjô dudoë ka bèë teurasiLam plôk indomi pasoë meurdéhkaTeuduëk meusimpôh teulhôk ngon gakiMusibah tsunami meulipat gandaMusibah alam atra Tuhan briMusibah Helsinki meusoë njang reuka?BATJUT NASIHATBahthat pih meunan  wahé e akhiNasihat lôn bri batjut keu bansaBèk rhet seumangat ajah dan ummiRapat Helsinki njan keu gura-guraBandum atranjan permainan Malek-DjuliGroup otonomi njang peukong teumaKeu njang pro meurdéhka tan na areutiMeuduëk ngon RI atra pura-puraNjang peureulèë tapiké u dalam nanggriPeukong asjkari njang meuseutiaTeuntra njang meudong lagèë kheun WaliNgon biëk sipa-i  han meusjèëdara Susôn baréhsan njang hana sangsiKeu ideologi Atjèh MeurdéhkaNjang han tém surôt meusitapak gakiNjang tan kompromi bak tjok
 meurdéhkaPeudong baréhsan njang butôi islamiBèk le that pantjuri lagèë njang ka kaLheuëhnjan peumimpin njang Atjèh asliBèk tan meuri sari ka ta peudewaKalon seudjarah le that bukeutiAtjèh djitaki  buët ureuëng teukaLe biëk pangtibang publoë SeurambiKon Atjèh asli, meutapi ureuëng luaAdak njoë bandum na dalam  rintjiKa tréb hai akhi tanjoë meurdéhkaKeumah ta reubôt Atjèh bak pa-iNgon tulông Rabbi Azzaw WadjallaKeu pihak sipil laén lom bagiBeule meuturi ngon bansa luaPeuë mantong djeunèh bèk ta padôliAsai simpati keu Atjèh djih naPeuranan NGO dan civil societyBèk deuh that meuri Atjèh MeurdéhkaMeulaén tugaih meubida misiBahthatpih opsi, teutap meurdéhkaKeu wartawan Atjèh dan wartawatiGot di Serambi atau di DjawaTeumuléh beu le  bèk bôh nan asliBuët brôk sipa-i bak djak poh bansaWartawan
 peunténg peugot opiniMangat na reaksi bak donja luaPakèk nom-de-guere lam berkreasiBék ngon sipa-i djeuët meupeukaraMeunjo neupatéh ulôn po teoriRapat Helsinki tan sapeuë maknaMeuhan neupatéh njang ulôn rawiNjankeuh otonomi umpeuën di gata’Ohnoë keuh batjut haba HelsinkiKureuëng boh sunti tjok asam djawaMeunjo keu-euëng that peukureuëng tjapliMeunjo phèt ban kupi neutamah sakaWassalam Abu Firdaus***************************************************************************"The United Nations as an international organisationis out of the question. but regional operators such asASEAN or the European Union could be considered. "said Ahtisaarihttp://formin.finland.fi/(“Peukara PBB djeuët keu ureuëng dong teungoh, njandjeuët peutuwo droë keudéh. Meutapi ngr2
 ASEAN atawaUni Eropa njan djeuët tapeutimang”) kheun Ahtisaari"The demand for independence is no longer on thetable. They are demanding self-government now and theIndonesians understand this very clearly," said DamienKingsbury/ CNN-Tuesday, February 22, 2005("Tuntutan kemerdekaan  njan hana lam kamus lé. AwakMalek djilakèë peumeurintah droë djinoë. Indonisia pihthat muphôm dalam hai njoë") kheun: DamienKingsburyThe rebels see "special autonomy" as equivalent to thestatus quo, and want the term self-government to beadopted instead/(Otonomi khusus njan nakeuh barang ka basi, dan awakMalek djilakèë gantoë istilahnjan deungon peumeurintahdroë mantong)http://news.bbc.co.uk/2/hi/asia
__._,_.___





Tahukah anda!!! Lantak group tidak menapis sebarang maklumat yg anda kirim??? Inilah yg membuat berita anda cepat dan jelas (jangan salahgunakan keistimewaan ini)...
beri tahu maklumat ini kepada rakan anda, ajaklah mereka untuk bergabung bersama dengan hanya semudah megirim email kosong ke: [EMAIL PROTECTED]

Salam perjuangan. 
--------------
ACHEH - Tiada pilihan lain selain MERDEKA!!!
**UNTUK BERHENTI MELANGGAN DARI MILIS LANTAK:
kirimkan email anda kepada [EMAIL PROTECTED]
http://lantak.cjb.net
*PLEASE REPORT ANY LANTAK ABUSE TO: [EMAIL PROTECTED]








   



    


  
  
    SPONSORED LINKS
  
          
                  
            
        Asia business
      
                      
        Asia
      
                      
        Region mortgage company
      
              
                        
            
        Regions mortgage inc
      
                      
        Regions mortgage
      
                    
           
  






      
      Your email settings: Individual Email|Traditional 
      Change settings via the Web (Yahoo! ID required) 
      Change settings via email: Switch delivery to Daily Digest | Switch to Fully Featured 
           
        Visit Your Group 
       |
      
        Yahoo! Groups Terms of Use
       |
      
       Unsubscribe 
       
 
    
  




__,_._,___