http://www.youtube.com/watch?v=P4CJcRzqieI (1) http://www.youtube.com/watch?v=_cj4fgq-lQM (2)
Deungon lahé peurdjandjian atawa MA'OB Helsinki, maka akibat djih handjeuët han, antara laén: 1. Bansa Atjèh ka gadoh Nanggroë Seunambông (Successor State) njang meuseubôt dalam surat Peunjata Atjèh Meurdéhka njang neupeunjata uléh Wali Neugara Tengku Hasan Muhammad di Tiro di Gunong Tjokkan bak uroë 4 Desember 1976 -- 31 thôn njang ka ulikôt 2. Ubéna keudjeuhatan dan keubiadaban sidadu Indonesia ateuëh rakjat Atjèh seulama lhèë plôh thôn njoë, teumasôk meuplôh ribèë kurubeuën masa DOM, handjeuët soë ungkét-ungké lé dan bandum ka djimensoh deungon meusadja that uléh peurundéng2 di Helsinki. Seudangkan bansa dan rakjat Atjèh njang ka meugulé maté sjahid bak peutheun nanggroë dan bandéra pusaka éndatu ka djianggap lagèë ôn geurusông, hana makna sapeuë-pih keu awaknjan. 3. Bansa Atjèh njang ka meusumpah akan geubri "djawong dan hareuta" geuh untôk tubôih keumeurdéhkan ka meulanggéh bandum. Meumakna bansa Atjèh njang teurimong MoU njan deungon trang-trang ka geukhianat keu sumpah dan Proklamasi Atjèh Meurdéhka 1976, sibagoë teumpat meudong dan sibagoë teumpat rudju'k peurdjuangan sutji keumeurdéhkaan Atjèh. 4. Hak bansa Atjèh untôk djak tuntut meurdéhka atawa referendum ka djipeugadoh. ================================================== "Udép geutanjoë hana juëm meusaboh aneukmanok meunjo hana tapeutheun peuë njang ka geukeubah lé éndatu. Udép sibagoë lamiët dan djadjahan gob njan hana juëm meu-sikeuëh ! Meunjo tateupuë(peuë) arti keumuliaan! UREUENG-UREUENG LAGÈË LÔN 1000 X ( SIRIBÈË GO ) LEUBÈH GOT MATÉ NIBAk DIDJADJAH LÉ DJAWA !!! Kheun Tgk Hasan di Tiro http://www.youtube.com/watch?v=oqJYGoF0SMQ ==============================================
