Bak lon hana ide untok ramal-meuramal. Sueue Acheh meudelat teugantung bak
peumimpin dan mayoritas peundudok Acheh. Meunje takalen peumimpin geutanjoe Tgk
Hasan Muhammad di Tiro septhat neu usaha pakriban Acheh beu meudelat tapi
sayangthat seubagian ureueng geutanjoe hana beutei-beutei tunduk patoh keu
droeneuhnjan. Kuntji daripada saboh-saboh perjuangan nakeuh Tundok patoh keu
Allah, Rasulneuh dan Peumimpin njeng pimpin perdjuangan. Memang seutjara kasad
mata mayoritas ureueng geutanjoe tundok keuwali tapi hana sungoh-sunggoh. Teu
utamathat ureueng-ureueng njeng that neuharap le wali beutundok patoh
keudroeneuhnjan. Tapi realitadjih le bawahan wali hana patoh seucara
sunggoh-sunggoh. Njankeuh njeng meuakibatkan wali keuneng peunjaket strock.
Akibatdjih wali djinoe hana mampule neusumike seucara efektif.
Meuseue geutanjoe bit-bit tundukpatoh keu Wali, ureueng-ureung njeng neu ankee
le wali musti tapatohtjit bahpih meunurot geutanjoe ureung njeng neu angkeenjan
hana beutei hingga geutanjoe talawan atawa peuget oposisi. Peukara ureueng
njeng neu angkeenjan hana beutei meunurot geutanjoe nakeuh sabjectif. Bahpih
meunan meuseue beutei geutanjoe handjeuttjit tapeuget oposisi. Watee musoh
kakeumah talet baro taseueue keusalahan peumimpin njeng neu angkee le Wali (top
leader). Akan na mahkamah Acheh Raya, njeng peuseuleusoe, soemanteng njeng
meusalah.
Meuseue ngen-ngen droeneuh dimeudjandji tundokpatoh keudroeneuh tapi lageenjan
neuangkat wakildroeneuh hana diseutudjui. Seutjara filosofis peuekeuh
ngendroeneuh na tundokpatoh keudroeneuh? Njan tji neu analisa supaja mudah
meuphom kiban njeng geukheun beutee-beutee tundokpatoh keupeumimpin meunurot
Allah swt. Njankeuh akibat Bansa Acheh hanale meusatu bak saatnjoe meuseubab
hana djituoh peuphom peue platform tangue seubagoe sjarat meusaboh.
Akibat geutanjoe hana beutee-beutee tundokpatoh keu peumimpin, musoh that mudah
bak djipeukeulabee geutanjoe Acheh. Tji neuanalisa lawetnjoe. Peue ek kumah
djipeuteupat tingkat amandement UUPA manteng? Bahpih meuseue ek djipeuteupat
geutanjoe teumasok mardeka pura-puratjit, ken mardeka njeng redha Allah,
peuelom 6 wewenang manteng bak djaroe sipa-i.
Maksud meudelat lam peumahaman lon nakeuh meudelat njeng ridha Allah. Djadi
meunje taharap meudelat njeng ridha Allah syaratdjih nakeuh "athullah
waathiurrasul wa ulil amri minkum". Boleh djadi Acheh akan merdeka tanpa syarat
njeng meuseubut diateueh tapi ken merdeka njeng redha Allah. Tjuntodjih lagee
mardeka Hindunesia. Bak hakikatdjih panena merdeka Hindunesianjan. Peue na
meuphom droeneuh meunje lon peugah Hindunesia nakeuh mardeka pura-pura?
Mayoritas peundudok hindon manteng menderita dibawah peunjajah minoritas
peujabat-peujabat hindon. Peue arti meunje njeng kaya maken kaya dan njeng
gasien maken gasien, neutemdroeneuh pihak njeng keuneulheueh?
Bahpih lageenjan geutanjoe handjeuet putoh asatjit. Taharapthat beuek
geupeutupat UUPA njeng manteng tjeukeknjan. Njan nakeuh langkah awai meunudju
Acheh meudelat. Tinggai manteng awak geutanjoe bek bungeh watee takritik
supaja dimasa ukeue bekle geupeulikot peumimpin njeng neu angkee le Wali.
Meunje na lageenjan baro na keumungkenan untok meudelat ukeue. Bekdilee
neumeutjeuket keu "demokrasi". Na watee njeng teupat barodjeuet tapeudjak
Demokrasi.
"mari menuju Acheh nyata" hana beutei. Njeng beutei mari menuju Acheh njeng
redha Allah. Realita mungken beutei dan mungkentjit hana beutei. Allah Neujue
ubah realita keu njeng sibeuteidjih (batja Redha Allah)
_________________________________________________________
Alt i ett. Få Yahoo! Mail med adressekartotek, kalender og
notisblokk. http://no.mail.yahoo.com
