لو كنت محلو شو بتقول ؟ واحد شب سوري بسيط كتير و متديين (مربي دقن و لا بس دشداشة ....الخ)كتب كتابو على بنت الجيران و أخذها و طلعو سيران (نزهة) لشي محل ما يكون فيه ناس لأنو بغار عليها كتير و ما بحب حتى يشوفها حتى لو كانت لابسة حجاب.
راحو لحرش كبير و قعدو هنيك بزاوية بعيدة شوي و مو كتير مبينة , لسوء الحظ الحرش كان عليه شكاوي كتير انو عم يصير فيه تحشيش و دعارة لأنو بعيد شوي عن البلد , دورية جنائية مرت من هنيك و شافت الشب و البنت يللي معو قام كمشو الشب و صاح فيه الشرطي :شو عم تعمل هون و لك ؟؟؟ دعارة يا ابن الحرام !!هلكتونا الله يخرب بيتكون , سويتو الحرش كرخانة صاح الشب: الله وكيلك يا سيدي هاي مرتي و كاتب عليها كتابي و طالعين سيران بعيد عن الناس الشرطي :كذاب و لك !!! خدوه لعند المساعد على السيارة اخدوه لعند المساعد طلع فيه المساعد و قال : شو عمل هاد ؟؟ الشرطي رد : دعارة سيدي الشب : لا يا سيدي , الله وكليك مرتي و كاتب كتابي عليها المساعد : خراس و لك حيوان . و قال: خدوه على المخفر لعند النقيب وصلو الجماعة على المخفر و طلعو الشب من السيارة ونازلين فيه خبيط و بالصدفة كان النقيب طالع من المخفر قام شاف الشب و العساكر عن يضربوه , طلع النقيب بالشب و لما شاف شكلو مربي دقن و لا بس دشداشة على الشريعة قال للعناصر : شو عامل هاد الحيوان ؟؟؟؟ اخوان مسلمين و لا القاعدة ؟؟؟ لما سمع الشب سيرة الاخوان و القاعدة صاح بأعلى صوتو : لا يا سيدي دعارة , ------------------------------ Windows Live: Friends get your Flickr, Yelp, and Digg updates when they e-mail you.<http://www.microsoft.com/middleeast/windows/windowslive/see-it-in-action/social-network-basics.aspx?ocid=PID23461::T:WLMTAGL:ON:WL:en-xm:SI_SB_3:092010> -- لأرسال رسالة لاعضاء مجموعة ناس سكر, الرجاء الارسال الى: [email protected] For sending emails: [email protected] visit this group at http://groups.google.com/group/nas_sokkar?hl=en
