---------
*جديد أحمد فؤاد نجم للرئيس مبارك**.................................................................. * [image: http://www.ouregypt...us/images/writer/nigm.jpg] *أحمد فؤاد نجم* نؤيد سيادتك لفترة جديدة نكمل خلالها المسيرة السعيدة و بالمرة فيها نبيع الحديدة مفيش حاجة تانية نبيعها خلاص نؤيد سيادتك لأجل المزيد من اللي تحقق بفضلك أكيد بقينا خلاص ع الحميد المجيد و ربك لوحده فى ايده الخلاص نبايع سيادته ولا حد غيره كفايا علينا نبرطع في خيره ونوم شعب مصر العظيمة و شخيره يقول للحرامي ما تسرق كمان نبايع سيادته وابنه وحفيده مفيش زي فكره قديمه و جديده خرابك يا مالطة حيحصل بايده ومين فيكي يعني بيسمع آذان نبوس ايد سيادتك و رجلك كمان تخليك معانا يا ريس عشان وجودك ضرورة فرضها الزمان و من غير وجودك حقيقي ! نضيع دي مصر بتاعتك واحنا ضيوفك كفايا علينا يا ريس نشوفك و عاذرين سيادتك و فاهمين ظروفك عليك بس تؤمر واحنا نطيع في جزمة سيادتك كلابك يبوسوا و فوق الغلابة بجزمهم يدوسوا و شعبك ليلاتي يا ريس غموسه مذلة و مهانة و حوجة و مر لكن يعني ما دمنا شعب انتساب و دايما وأبدا فى حالة غياب متعملش لينا ياريس حساب دي عزبة سيادتك وفيها أنت حر و دستور ما دستورشى مش فارقة خالص كلام فاضي كله يا فندم بناقص كفايا علينا الفساد اللي ماصص عرقنا و معشش وضارب جذوره و ايه يعني تهري جتتنا البلاوي يوماتي كوارث، فضايح، رشاوي كفايا علينا القعاد في القهاوي بنستنى لما الوريث ييجي دوره *أشعار أحمد فؤاد نجم <http://www.ouregypt.us/Bnigm/main.html>* 11/12/2009 *مصرنا* -- لأرسال رسالة لاعضاء مجموعة ناس سكر, الرجاء الارسال الى: [email protected] For sending emails: [email protected] visit this group at http://groups.google.com/group/nas_sokkar?hl=en
<<image003.jpg>>
