> > حوار عادي بين افراد عائله أردنيـة
> >
> >
> >
> > الأب مخاطب الابن : تعال وله
> > الابن و بكل براءة : نعم
> > الأب :نعامة ترفصك ... تعال وله
> > الابن : ليش شو سويت؟
> > الأب : سواك ضريب يخلع رقبتك
> > الابن : شو فيه؟
> > الام : شاوي يشوي عضمك ....رد على ابوك بأدب وله
> > الابن : هوه انا حكيت شي؟
> > الأب:حكحكوا جنابك بالعصايه اوقف عدل يا حيوان
> > الابن : حاضر
> > الأم :يحضروا على قبرك انشالله ... لما ابوك يحكي انت بتخرس
> > الابن :أخرس؟
> > الأب : ايوه ان شالله خرسه
> > الابن: ماشي
> > الأم: اجاك مشش بركبك ما تقوم منه انشالله
> > الابن :مشش ؟؟؟ شو هاذا المشش؟؟
> > الأب: اما انك قليل حيا ...وبترد على امك كمان ؟ هات العصاي وتعال وله
> > الابن: انا رديت على امي؟ يمّـه احكي كلمه
> > الأم: موا يمزع نيـعـك وله ....حكيتلك اخرس
> >
> > الابن الان اصبح مغلوب على امره ومش فاهم ايش الموضوع وصمت
> >
> > الأب: أما جيل قليل حيا...احكي وله ... مالك انخرست
> > الابن : شو احكي؟ اذا حكيت بتقولوا عني قليل حيا وبتشوفوني غلط
> > الام :حيه الي تقرصك انشالله ... قلتلك تأدب وانت بتحكي مع ابوك
> > الأب : ايش 'بتشوفوني غلط' هاي ... شايفنا عميان ولا حول ؟
> > الابن : لا اله الا الله
> > الأم : الله يوخذك انشالله .... يا ريتني خلفت ابن الجيران ولا انت
> > الأب: انا مش عارف هاذا الولد متى بده يصير زلمه...دايما فاظحني بين الرجال
> > الابن: طيب شو اعمل عشان تشوفني زلمه ؟
> > الأب: قلتلك اخرس وله
> > الابن: يا الله ... يا الله ... يا جماعه شو مالكوا ... شو فيه ؟
> > الأم: اه صحيح انت ليش ناديت عالولد يا زلمه ؟
> > الأب :بتصدقي يا مره اني نسيت.... نساني شو كنت بدي منه هالكلب
> > الاب : خلص روح ارجع على غرفتك يابا
_________________________________________________________________
Hotmail: Powerful Free email with security by Microsoft.
https://signup.live.com/signup.aspx?id=60969
--
لأرسال رسالة لاعضاء مجموعة ناس سكر, الرجاء الارسال الى:
[email protected]
For sending emails: [email protected]
visit this group at
http://groups.google.com/group/nas_sokkar?hl=en
