Assalamu'alikum.w.w.
Maaf,carito kito taanti, antah dek karano
dek sibuk, atau memang ati ambo agak amba-amba sin,
dek karano urang bakucatak jo pulitik tamasuak
St.lembang alam... he he he he. (tarimo kasih ateh
do'a no Sutan).
Tapi bialah, nan suko bapulitik taruihkan, nan suko
mangaji, niak jo ambo.. he he he. Kito taruihkan
curito sutan ain kito, ambo ulang dari satu baliak
disambuang jo duo.
Sarupo nan mabo kecek-kan dulu, curito ko iyo agak
"bagoluk" pangana saketek di nyo.
Sutan Ain sadang duduak tamanuang di ateh jambatan
mancaliak aia nan lalu di bawah sambia bapikia-pikia.
Gala iyo sutan, tapi banamo ain, mungkin dari zaini
jaid zain, sudah tu ain. Digalakan urang sutan ain.
Karajo baamanuang takah iko iyo lah lamo dibuek no,
dek karano mamikiakan alam nan dijadikan dek Tuhan
Allah ko.
Kadang-kadang ano manggeleang surang-surang antah dek
paniang atau dek aa, tapi nan jaleh acok maraso bukan
aia di bawah nan bajalan tapi raso-raso jambatan nan
bajalan.
Baa sababanyo ko, keceknyo. Kito maliek dunia ko lai
manuruik hakekat nyo ?. Langik tu iyo sabana-bana biru
ndak ?. Ladang-ladang tu iyo sabana hijau ?, madu tu
iyo manih ko lah, pario tu iyo sabana paik ?.
Aia nan bajalan ko iyo benda caia dan es tu iyo benda
padek ?. Iyo sabananyo kayu tu benda padek sarupo nan
dirasokan dek indera kito ?.
Apo iyo batu-batu tu benda mati nan indak manggarik ?.
Kaco tu iyo tembus cahayo dan dindiang tembok tu indak
tabuak dek cahayo.
Apo iyo batua bahaso garih luruih adolah jarak nan
paliang pendek antaro duo titiak sarupo nan kito
pelajari dalam ilmu ukur bidang. Iyo lai batua jumlah
suduik sagitigo tu 180 derjat.
Apo iyo peristiwa alam semesta ko memang
balansuang
dalam ciek zaman ?. � kajadian-kajadian nantun tajadi
ka satu ukatu, walaupun tampeknyo babeda-beda.
Kok awak bandiangkan peristiwa nan tajadi di bumi jo
peristiwa nan tajadi di Mars�. Di Venus, di
bintang-bintang Nebula�. Lai dapek awak mangatokan
bahaso peristiwa-peristiwa tu tajadi dalam ukatu nan
samo ?... atau persitiwa-peristiwa tu tajadi dalam
ukatu nan balain-lain ?.
Takah aia nan dicaliak ko, lai dapek awak
mayakinkan
diri bahaso ado saumpamo benda manggarik samantaro nan
lain diam ?. Manuruik khayal kito sado pertanyaan ko
dapek dijawek sacaro gamblang kecek rang jawa. Dan
para
sarjana atau scholars lah mangiro bahaso hal-hal nan
sarupo itu indak manjadi persoalan lai ?. Tapi kiniko
kok barubah manjadi teka-teki ?.
Apo iyo lai kito mancaliak dunia ko manuruik
hakekatnyo nan sabananyo ?.
Mungkin indak. Memang iyo sadonyo kito liek tapi bukan
hakekat. Iyo ndak ?.
Cahayo putiah nan kito liek berwarna putiah, kalau
di lewatkan ka prisma kaco... taurai manjadi 7 warna,
merah, jinggo, kuniang, hijau, bulau, nila,
limbayuang. Kalau dipelajari bana warna-warna tu indak
ka basuo dek
awak do apo sabananyo salain "perbedaan panjang
gelombang", "perbedaan frekwensi", indak labiah indak
kurang.
Jadi baa sabananyo ?. Nan tajadi mungkin sel-sel saraf
di "selaput jala" mato kito tapangaruah dek
macam-macam
getaran nan babeda manuruik jenis getarannyo. Pusat
saraf mato di utak awak menterjemahkan berita dari
saraf ko dalam bantuak warna-warna. Tapi gelombang
cahayo tu bukanlah warna nan dimukasuik. Hanyo
samato-mato gelombang jo getaran, lalu utak jo
bahasonyo sorang, untuak membedakan ciek jo nan lain,
maagiah definisi barupo tanggapan-tanggapan,� itulah
warna.
Ladang-ladang nan kito caliak bawarna hijau
bukanlah hijau, nan tajadi adolah daun-daun tumbuhan
tu menyerap kasado gelobang cahayo kecuali panjang
gelombang tatantu sajo nan masuak ka mato kito,
mampangaruahi sel-sel mato. Pangaruah ko manuruik
bahaso utak berarti "hijau".
Baitu pulo warna-warna lain, sabananyo bukan warna.
Indak labiah daripado berkas-berkas sinar nan
dianalisa dek utak jo bahaso nyo sorang, utak lah nan
mangatokan itu adolah warna.
Tambah tamanuang Sutan kito mamikiakan, dek ari lah
laruik sanjo, mungkin isuak diinok diranuangi baliak
baa nan sabana no go. Allah Mahakuasa, kok indak
diagaiah ilimu ka manusia go, indak kamangarati �..
janno Sutan.
.... kito sambuang barisuak .....
Wassalam
St. Sinaro
__________________________________
Do you Yahoo!?
New and Improved Yahoo! Mail - Send 10MB messages!
http://promotions.yahoo.com/new_mail
____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
___________________________________________________
