Assalamu'alaikum.w.w.
.... kito taruihkan curito kito ....
Hari nantun, lah tampak pulo sutan kito bamanuang
baliak di ateh jambatan tun.
Baa dek tambah kacau go, janno sutan.
Kekacau balauan ko akan labiah jaleh . . kalau kito
liek contoh nan kaduo, yakni madu.
Madu di muluik awak iyo raso manih, lamak raso di
awak, kito jilek dan kito kicok jo lidah kito. Tapi
ado jenis caciang nan bapandapek lain samo sakali
tentang madu, indak nio makan madu, sabaliaknyo ado
pulo species caciang lain nan sanang madu, makan,
batalua, manateh-an anak dan iduik di ateh madu.
Jadi raso manih bukanlah sipaik mutlak nan lakek jo
madu, tapi hanyo sipaik nisbi, tagantuang ka saraf
paraso nan ado di lidah kito, . . . diterjemahkan
manuruik istilah khusus sebagai akibat dari pengaruh
molekul madu ka lidah kito.
Mungkin sajo pengaruh ka alat paraso ko antaro
binatang nan satu jo nan lain maagiah raso nan
babeda-beda, madu bisa sajo taraso paik.
Kalau kito liek contoh nan katigo sudah tu kito
batanyo betulkah air itu cair dan es itu padat,
persoalan ko tantu labiah jaleh lai.
Aia, es jo uap air ba unsur dan susunan kimia nan samo
(perbandingan Hidrogen dan Oksigen = 2 : 1). Bedanyo,
bukanlah perbedaan hakekat, hanyolah babeda dalam
caro.
Kok air dijarangan di ateh api, berarti kito maagiah
paneh, atau labiah tapek dikecekkan kito maagiahnyo
energi. Gerak partikel-partikelnyo akan labiah capek,
selanjutnya partikel-partikel itu tapisah-pisah
batebaran sebagai akibat dari gerakannyo nan kuek ka
sagalo arah. Partikel-partikel tu ka tapisah jauah
satu jo nan lain. Jadilah inyo gas (uap air). Jikok
energi nan diambiak dari api itu hilang, mako gerak
partikel-partikel itu lambek baliak dan lamah, satu jo
nan lain akan saliang dakek sampai ka suatu bateh,
kutiko indera kito mengatokan bahwa partikel-partikel
itu kini lah barubah manjadi cairan. Kalau energi itu
kito kaluakan baliak, kito dinginkan taruih, mako
gerak partikel makin lambek, partikel-partikel labiah
dakek lai sampai suatu bateh kutiko indera kito
mangatokan bahaso inyo kini babantuak padek(es).
Katigo tingkek wujud zat, gas, cair dan padat hanyolah
babeda dalam gejala bentuk, babeda ka jauah dakeknyo
latak partikel-pertikel dari zat nan satu, yaitu aia.
Janiahnyo aia dan kabuanyo salju indak lain dari latak
partikel-partikel aia sademikian rupo sahinggo
pandangan kito dapek malewati ruang-ruang antar
partikel.
Itu indak berarti bahaso partikel-partikel es tu lakek
ciek jo nan lain, antar partikel-partikel itu tatap
ado jarak, hanyo labiah dakek. Baitu pulo partikel
atau molekul satiok zat, walaupun zat tu basi, tatap
ado ruang antar molekul, malah molekul-molekul terdiri
dari atom-atom jo ruang antar atom. Satiok atom
tasusun pulo dari proton-proton dan elektron-elektron
nan satu samo lain mampunyoi jarak nan relatif jauah,
sarupo jauahnyo matoari dari planet-planet tatasurya.
Benda-benda tu sabananya kosong, terdiri dari ruang
hampa nan di sana-sini batebaran atom-atom. Sakironyo
indera paliek kito sempurna, mako pandangan kito akan
dapek menabuak dindiang, karena susunannya nan
bolong-bolong itu, sarupo jariang-jariang ayak
(sariangan).
Kalau kito saliang maliek jo sinar X, bukan jo sinar
biaso, kito akan maliek bahaso badan kito ko hanyo
terdiri dari karangko, karano sinar X dapek manabuak
ruang antar molekul dagiang, dagiang akan nampak
bening, janiah sarupo kaco.
Jadi, penglihatan kito nan kurang sempurnalah nan
manyababkan pandangan indak bisa menabuak dindiang,
padahal nan sabananyo bukan demikian. Dindiang tu
mempunyai ruang-ruang kosong, tetapi kemampuan organ
kito tabateh dan sinar nan dipakai indak dapek
manabuak, sinar itu malah malantun baliak dipermukaan,
lalu kito menanggapi sebagai dindiang nan mambatehi
penglihatan kito.
Seluruh tanggapan kito sipaiknya adolah relatif
(dibandiangkan jo indera kito nan sangat tabateh),
jadi bukan hakekat. Alam nan kito liek bukanlah alam
nan sabananyo, samato-mato istilah nan kito agiah
surang. Disitu kito hiduik dan terkekang dek
rumus-rumus nan diciptakan dek otak kito surang, alah
manggiriang kito ka sesuatu nan indak kito tahu
hakekat-nyo.
Batualah apo nan dilakukan dek pelukis-pelukis
abstrak, mereka bausao untuk mengekspresikan apa nan
mereka liek. Manuruik caro-caro mereka, jo instink
mereka, mereka maraso bahaso apo nan diliek dek mato,
bukanlah nan sabananyo, jadi mereka ndak maraso
terikat, mereka dapek merasokan hakekat sesuatu, bukan
jo mato tapi jo aka. Mungkin jo aka batinnyo, atau
intuisinyo, atau rohnyo. Mereka indak gilo. Mungkin
kito nan gilo.
Tambah tamnuang Sutan kito mamikiakan, dek ari lah
laruik sanjo, mungkin isuak diinok diranuangi baliak
baa nan sabana no go. Allah Mahakuasa, kok indak
diagaiah ilimu ka manusia go, indak kamangarati �..
janno Sutan.
.... barisuak kito sambuang ....
Wassalam
St. Sinaro
__________________________________
Do you Yahoo!?
New and Improved Yahoo! Mail - 100MB free storage!
http://promotions.yahoo.com/new_mail
____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
___________________________________________________
