Assalamu'alaikum.w.w.
... Maaf agak talambek dek sibuk .....
.... kito taruihkan curito kito ......
Hari barikuiknyo, lah tampak pulo sutan kito
bamanuang baliak di ateh jambatan tun.
Persoalan nan kapatang alun juo tajawek lai.
Hijau pakeknyo ladang, birunyo langit nan cerah, bungo
nan merah darah, pasia nan kuning ameh, kasado warna
nan mempesona dari benda benda ko, sabananyo ndak ado
do. Kasadonyo tu samato-mato istilah nan diagiah dek
organ saraf awak, samato-mato nada nan diterjemahkan
dari berbagai-bagai frekwensi sinar nan malantun.
Keadaannyo takah raso sakik nan kito raso kalau
tacucuak jarum, raso sakik tu bukanlah hakikaik jarum,
tapi gambaran pengaruh jarum sajo di badan awak.
Baitu pulo raso, baun, licin kasek, haluih kasa,
bantuak dan ukuran sesuatu, indaklah maagiah gambaran
hakikaik tantang apo nan awak resek, tantang apo nan
awak cium, tantang apo nan awak raso. Kasadonyo tu
hanyolah caro, baa awak dipengaruhi dek sesuatu.
Kasadonyo tu indak ado ujuiknyo samo sekali.
Sagalo sesuatu nan awak liek atau bayangkan,
samato-mato khayal nan diterjemahkan, ndak ado
ujuiknyo, samato-mato simbolik dari berbagai benda nan
mampengaruhi organ saraf awak, lalu digambar dek alat
indera awak nan sangaik tabateh kemampuannyo.
Mimpi ndak awak ?
Awak nan bamimpi atau baa ?
Mimpi nan ndak ado ujuiknyo,
Apo ko nan tabayang di kapalo awak ndak ado ujuiknyo
di dunia lua ?
Aksioma jo instink manyangkal pandapek ko. Dunia lua
tu ado. Indera awak selalu mangecekkan bahaso ado
sesuatu di lua badan awak. Tapi ado jurang pemisah
antaro awak jo alam ko. Indera awak ndak mampu maliek
hakikaik. Awak hanyo manarimo terjemahan jo bahasa
tatantu, jo macam-macam kode.
Jikok sakironyo awak alah bamimpi, jikok sakironyo
masiang-masiang awak alah maracau manuruik caro awak
masiang masiang, tantu awak ndak dapek bakomunikasi,
awak ndak kan bisa saliang mangarati, awak ndak kan
pernah bersepakat tantang sesuatu subjek. Tetapi
kenyataannyo awak samo-samo bapacik ka terjemahan
indera, mungkin indak tapek, mungkin salah samo
sekali. Tetapi nan jaleh terjemahan tu ado aslinyo.
Ado copy, ado asli.
Jadi awak indak bamimpi.
Hanyo sajo awak alah manjadi tawanan indera awak,
tawanan dari konstruksi badan awak nan lamah. Kasado
nan awak liek selalu dibaok ka awak dalam keadaan
cacat, kurang, ndak lengkap.
Jadi tadapek labiah dari satu dunia.
Ado dunia sabagaimano adonyo, hakekatnyo, tapi awak
ndak mengenalnyo, indak ado nan mengetahuinyo kecuali
Allah.
Ado dunia takah nan diliek dek kapuyuak, dunia
kapuyuak babeda samo sekali dari dunia awak. Karano
organ saraf kapuyuak berbeda dari organ saraf awak.
Kapuyuak maliek matoari jo caro lain. Kapuyuak maliek
pohon ndak takah awak malieknyo. Kapuyuak ndak dapek
mambedakan warna-warna.
Ado dunia takah nan diliek dek caciang Ascaris.
Lain pulo dari dunia kapuyuak. Dek caciang Ascaris
dunia ko galok, dunia nan kosong, ndak ado
pemandangan, nan ado hanyo penginderaan nan sangat
sederhana malalui kulik.
Baitulah satiok jinih makhluk punyo dunianyo
surang-surang. Satiok makhluk sajak laianyo alah
mambaok undangan untuk menghadiri pesta dunia ko,
masiang-masiang duduak di meja nan babeda-beda,
mencicipi makanan nan balainan, marasokan lamak atau
sakik nan beraneka.
Satiok jinih makhluk, hidup dalam penjara imagenyo.
ndak bisa mangetahui apo nan diliek dek jinih lain.
Awak sebagai manusia ndak dapek mangecek jo buruang
atau jo reptil atau caciang. atau serangga. Awak ndak
dapek manarangkan ka mereka apo nan awak liek tantang
dunia.
Kapuyuakpun ndak sanggup manarangkan ka manusia
tantang dunianyo. Sakironyo pado suatu wakatu hal ko
tajadi, artinyo awak manemukan "batu Rasyid". (Batu
nan diketemukan dek Champoleon di desa Uasyid pantai
utara Mesir. Dari tulisan-tulisan nan tadapek di batu
ko lah taungkap rasio tulisan hyrogliph dan
salanjuiknyo mambukak rasio sejarah Mesir kuno).
Awak akan dapek mangumpuakan berbagai jinih kode dan
bamacam bahaso. Kalau awak gabuang-kan, dipacahkan
rasionyo, awak akan sampai ka kesimpulan, yaitu
hakekat. Awak akan tahu rasio dunia ko.
Tapi komunikasi takah ko ndak mungkin dapek
tajadi. Karano manusia adolah satu-satunyo makhluk di
dunia ko, nan mangarati bahaso, sedang makhluk lain
bodoh.
Baa aka! ? Baa manyalesaikannyo ?.
Apoko awak ka manunggu sampai suatu saat awak bisa
tabang ka angkasa lua dan mancari makhluk di Mars nan
bisa manulih jo mambaco ?
Tambah tamanuang Sutan kito mamikiakan, dek ari
lah laruik sanjo, mungkin isuak diinok diranuangi
baliak baa nan sabana no go. Allah Mahakuasa, kok
indak diagiah ilimu ka manusia go, indak kamangarati
�.. janno Sutan.
.... barisuak kito sambuang ....
Wassalam
St. Sinaro
__________________________________
Do you Yahoo!?
Yahoo! Mail - Helps protect you from nasty viruses.
http://promotions.yahoo.com/new_mail
____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
___________________________________________________
