Assalamu'alaikum.w.w.
.... kito taruihkan curito kito ......
Hari barikuiknyo, lah tampak pulo sutan kito
bamanuang baliak di ateh jambatan tun.
Persoalan nan kapatang alah mulai tabukak saketek-
saketek.
Ahli-ahli matematika mangecekkan ndak paralu
manunggu,
ndak ado alasan untuk itu, ado caro lain, caro ko
memang susah tapi dapek mambaok awak ka jalan nan
menuju hakekat.
Kito kesampingkan dulu apo nan disampaikan dek indera
awak. Kito pakai caro lain selain pandangan,
pangliek-tan, pancium-an, raso.
Kito pakai hitungan, pakai angko-angko.
Kito jabarkan kasado penginderaan dalam bantuak
angko-angko, dalam kwantum. Daftar spektrum nan alah
dikenal : kuniang, jingga, merah, violet, biru, hijau
dan sataruihnyo, kito jabarkan dalam angko-angko.
Apo nan alah diagiah dek ilmu pengetahuan alam ?
Dikatokan bahaso spektrum ko adolah getaran-getaran
nan babeda-beda panjang gelombang dan frekwensinyo.
Kasadonyo manunjuakkan angko-angko.
Satiok gelombang punyo ciri, panjang gelombangnyo
sekian, frekwensinyo sekian.
Baitu pulo sinar-sinar lain, sinar X, sinar Radium,
sinar Cosmos, kasadonyo gelombang, takah gelombang
radio. Satiok hari awak mandanga penyiar-penyiar
radio mangecekkan frekwensi pemancar mereka sekian
kilocycle perdetik.
Samato-mato angko-angko, nan dapek diperbandingkan,
dihituang dijumlahkan, dikurangkan.
Kito tutuik mato kito dan mari kito bapikia jo metode
baru. Kito ndak akan mangecekkan lai warna hijau,
warna merah. Kito ganti jo sekian kilocycle perdetik.
Urang nan manutuik pengliek-tannyo dan mamakai
metode bapikia takah iko takana dek Sutan adolah
"ughang baghat" namonyo si Mek Peleng (Max Planck),
surang ahli matematika permulaan abad ko. Si Mek
Peleng ko jo teori quantum-nyo alah manyababkan
revolusi ilmu pengetahuan.
Si Mek Peleng ko mulai jo kenyataan sederhana nan
diketahui dek kasado urang. Kalau sapotong basi
dipanehkan, mulo-mulo warnanyo merah sudah tu barubah
manjadi merah mudo, barubah jadi kuniang, kemudian
putiah nan manyilaukan.
Jaleh ado hubungan matematis antaro energi nan
dipancarkan dek basi angek jo panjang gelombang dan
frekwensi cahaya nan timbua.
Ado identitas, ado persamaan.
Si Mek Peleng ko mambahas identitas ko sahinggo
sampai ka rumus. Jo caro sederhana ditamukannyo bahaso
energi nan terpancar (E) kalau dibagi jo frekwensi (N)
selalu maagiah angko nan konstan (sarupo, tetapan 22/7
perbandingan tatap antaro kuliliang lingkaran jo
garis tangahnyo, nan berlaku untuak kasado lingkaran).
Angko tu disabuik "tetapan" si Peleng ko.
Rumus identitasnyo : E = L x N
Identitas ko berdasarkan hypotesa bahaso energi tu,
terpancar dalam bantuak jumlah demi jumlah, rombongan
demi rombong-an berurutan dalam bantuak berkas-berkas
partikel energi, atau atom-atom.
Partikel energi ko disabuik photon.
Ado urang nan manarimo hadiah Nobel karano
penyelidikan nyo nan mandalam tantang photon ko. Inyo
manyelidiki identitas dan angko-angko tantang hubungan
antaro photon cahayo nan di-jatuhkan ka plat-plat
logam jo energi listrik nan ditimbua-kannyo. Jo dasar
identitas ko timbullah ide manciptakan televisi.
Manuruik nyo, berdasarkan kenyataan nan awak kenal di
la-boratorium, kalau seberkas sinar dijatuahkan ka
sekeping logam mako kecepatan elektron ko indak
tagantung pado kuek/lamah-nyo sinar nan dijatuhkan.
Baapun lamah sinarnyo, atau baapun jauahnyo sumber
cahaya, kecepatan elektron nan terpancar tetap ndak
barubah. Hanyo jumlahnyo nan bakurang.
Kecepatan elektron akan batambah gadang, bilo sinar
nan dijatuahkan adolah sinar-sinar nan berfrekwensi
tinggi, mako kecepatan elektron lebih tinggi kalau
cahayo nan dijatuahkan adolah cahayo violet dan labiah
randah daripado cahayo merah.
Alasannyo tantang pancaran elektron ko adolah karano
cahayo nan jatuah manganai permukaan plat logam
bukanlah dalam aliran taruih manaruih, tapi dalam
bantuak berkas-berkas energi, berkas-berkas photon.
Photon-photon ko malangga dan salanjuik-nyo
manyampakkan elektron-elektron dari permukaan logam,
takah tungkek bilyard nan ma-antak bola, manyababkan
bola tu tacampak kalua dari lintasannyo.
Sinar-sinar nan berfrekwensi tinggi (misalnyo sinar
violet) mangandung photon labiah banyak, makin gadang
pulo kecepatan elektron nan dilemparkannyo.
Hubungan ko diformulasikan dalam bantuak rumus
matematika. Teori ko diterapkan pado pembuatan
televisi. Kalau awak barado di muka sebuah kamera
T.V. mako kamera ko akan ma-mindahkan gambar kito nan
ditarimonyo dalam bantuak titik-titik tarang dan
titik-titik galok ka sabuah plat logam nan sangat
peka. Akibatnyo plat logam tu akan mamancarkan
berkas-berkas elektron nan berbeda dalam jumlah dan
kecepatannyo, tagantuang pado tingkek tarang dan
galoknyo gambar. Kemudian aliran listrik akan mambao
berkas-berkas elektron ko ke antena dan mamancarkannyo
dalam bantuak gelombang elektro mag-nit, manuju
pesawat panarimo.
Lamo tamanuang Sutan kito mamikiakan, persoalan
ko alah terarah maagiah jawek, dek ari
lah laruik sanjo, mungkin isuak diinok diranuangi
baliak baa nan sabana no go. Allah Mahakuasa, kok
indak diagiah ilimu ka manusia go, indak kamangarati
.. janno Sutan.
.... barisuak kito sambuang ....
Wassalam
St. Sinaro
__________________________________________________
Do You Yahoo!?
Tired of spam? Yahoo! Mail has the best spam protection around
http://mail.yahoo.com
____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
___________________________________________________
