Assalamu'alaikum Wr.Wb.
sungguahpun ulak jo alai tibono kabaekh ambo, ujuk tantu kabakeh kito karapatan RN nan basamo,
lorong kapado diri ambo, iyo bak kato urang,
baburu ka padang data
dapek ruso balang kaki
dibaok katangah padang
baguru kapalang aja
disilau guru, alah mati
dicaliak surek, alah ilang
iyo kamari tangguang
tapi sungguahpun baitu, karano bapakai mauruk adaik, manjadi undang di nan tuo, kok kato paralu jawek, tibo digayuang mahandak-i sambuk. kajawekno diambo :
karano ado duo pandapek sarupo nan ambo kamukokan, mako manuruk ambo indak baa bagai tu doh.
Sakiro itu nan dari ambo, tapi karano kito lai basamo, tantu dunsanak nan lain bisa pulo manukuak jo manambah. supayo dapek bulek nan indak basandiang, picak nan indak basagi.
Wassalamu'alaikum wr.wb.
Bandaro Labiah
Irwan Munir <[EMAIL PROTECTED]> wrote:
Mak Bandaro,Mengenai caro partamo dan kaduo dibawah, ambo punyo pangalaman pribadi caritonyo coiko mak :Wakatutu ambo sadang dalam perjalanan, hari alah manunjuakkan pukua satu siang, tapi kok baranti sadang ditangah-tangah rimbo dan sambia mancari-cari musajik dan akhirnyo ambo putuskan bekoselah syolat zohor dijamakkan diwakatu asyar.Pas sampai disebuah musajik ambo baranti sarato turun samo-samo jo seluruh keluarga untuk mangarajokan syolat, dan wakatu ambo salasai berwuduk urang alah salasai Iqamat dan imam alah Takbir untuk melaksanakan syolat asyar. wakatutu ambo iyo agak ragu juo.* Kok Syolat zohor ambo dulu syolat asyar berimam-imam talapeh, dan rasonyo kurang tertib juo rasonyo urang syolat asyar berimam-imaman samantaro ambo kasyolat zohor surang dan nantinyo akan berkesan bapacu-pacu supayo ambo sakurang-kurangnyo dapek diujuang syolat asyar jo berimam-imaman.* Akhirnyo ambo ikuik i syolat asyar berimam-imaman dan sasudahtu ambo langsuang jamak ta'khir syolat zohor sasudahnyo.Baa pulo tu mak duduaknyo, apokoh hal yang seperti diateh buliah dikarajoan, ... mohon petunjuk dan saran.Salam/IMRB
Yahoo! Messenger - Communicate instantly..."Ping" your friends today! Download Messenger Now
____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ___________________________________________________
