Assalamu`alaikum Wr Wb.
Sidang Palanta nan ambo hrmati,
Dek karano hari Minggu, dan di lapau urang iyo langang, tapi ado juo nan pai manggaleh, ... tapi ambo indak, hanyo mangana nan bahaso-bahaso lamo mungkin lah banyak nan indak tahu lai, dan mudah-mudahan masih lai samo dengan nan ambo sabuik ...... ! saparati nan di sabuik di kampuang dunsanak kasado alahe.
Kalau ka biliak aie tantu buliah, ... Manyasah
Kalau pai kakabun dinamoan , ... Manyilau
Kalau maisi nan lumpang namo nyo, ... Manyisik
Kalau talampau manih di sabuik ... Manyalinok
Kalau urang rami, sato pulo ... Manyalingkik
Supayo indak nampak di sabuik pulo ... Manyuruak
Kok karajo ambo tak lain iyo lah ... Manjaik
Mohon maaf ambo kok ado nan indak pado tampaiknyo,
Kok senteang mintak di bilai, Kok lamah mintak di taue.
Wassalam
Arshad Sidik [47] KL
Do you Yahoo!?
Vote for the stars of Yahoo!'s next ad campaign!
____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ___________________________________________________
