Assalamu'alaikum Wr. Wb., Mak Bandaro Yth., dulu ambo pikia mamak samo jo mak Ban (urangnyo sorang), ambo heran baitu sanak Miko maagiah tahu bahaso babeda. Kini ambo bedakan jo e-mail address nyo, kalau isi dari uraiannyo hampia samo ado ciri khas pantun.
Ngomong2 soal pantun, untuak baraja apo rahasionyo ko mak, maklumlah awak ko suku tembak 12 pas sajo, ciek lai mak kalau kami pandai tantu indak hilang sajo dek paneh ilmu pantun ba pantun ko. Ciek lai baliak mak, dulu ambo acok jalan darek dari jkt-pdg (pp), disupiri naiak mercy lai (raso boss bana awak) alias naik ans, apd, g. jaya, usm dll. iyo lamak bana nostalgia tu mak, kalau diingek2 waktu kinoko yg alah takabek. Waktu tampuah 30jam, rasonyo badan rangkik2, sumbahyang, makan, mandi jadi maleh, tapi baa ka baa harus diusahokan juo, tapi seluruh itu indak mambuek kapok, malahan ketagihan, karano dibangku balakang atau muko ado anak gadih urang yg rancak, he he. Supir tu ado duo urang, ado spesialisasinyo. Ado yg ahli mambaok malam, ngebutnyo minta ampun, panumpang dikiciuhnyo sajo, karano dek mangantuak jadi indak takuik jadinyo do, bisuak ka sumbahyang subuah awak ka turun, tau2 tas (barisi oleh2) sanjai, karupuak balado, k. jangek, tarompa, sepatu alah hilang antah ka ma. Sakian sajo, mohon untuak mamak2/uni2 dibagi2 carito naiak oto ko. Wassalam, syb. ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ___________________________________________________
