Assalamu'alaikum Wr.Wb.
Alhamdulillah lai tapakai kirono.
Kok lamo lupo nan datang, kok banyak ragu nan tibo
Bandaro iyo lai samo Bandaro, Kalau Mak Ban tu adolah Bandaro Putiah, suku simabua, jorong Bulaan Kamba, Nagari Kubang Putiah, kalau nan ambo, kan lah jaleh pulo, Bandaro Labiah. Tapi samantang pun baitu, indak baa bagai tu doh.
Kalau disabuk-sabuk bana, lorong kapado diri ambo ko, iyo bak pituah urang tuo juo no, ibaraik biduak ketek, tirih pulo, pandayuang singkek patah pulo, kok balayia ditapi-tapi, takuk dikarang ka manyakek, garik dilamun ombak gadang, tapi samantang pun baitu ciek niaik nan bapakai, "sampaikan walau sa ayaik" ok lok samo diparambiak, kok buruak samo dipaelok-i,
satantangan bapantun, iyok agak maggamang diambo, baa dek baitu, kalau dicaliak kanan sudah, batuah ka nan manang, sajak mulo saisuak sampai sakarang iko kini, pantun awak ko iyo rancak, dan mampunyai arati nan tasurek jo tasirek. nan ambo sandiri iyo alun pandai li mangarang pantun nan sabana pantung, karano pantun dalam sastra Minangkabau, sajak mulo sampiran iyo alah manganduang isi, apo lai isino bana.atau lai sasuai jo kaadaan.
tapi kalau pantun sumbarang pantun sajo, iyo lai bisa ciek-ciek.
Kalau mambaco "karano dibangku balakang atau muko ado anak gadih urang yg rancak, he he" rasono lai tamasuak nan bakaik pulo mah kirono
Kalau tas nan barisi oleh, ambo raso indak ilang doh, tapi alah tacampak kok kamuko atau kabalakang, ka kida jo kasuok, dek jalan oto maempa suok kida. kan iyo baitu !
Wassalamu'alaikum Wr.Wb.
Bandaro Labiah
[EMAIL PROTECTED] wrote:
[EMAIL PROTECTED] wrote:
Assalamu'alaikum Wr. Wb.,
Mak Bandaro Yth., dulu ambo pikia mamak samo jo mak Ban (urangnyo sorang), ambo heran baitu sanak Miko maagiah tahu bahaso babeda.
Kini ambo bedakan jo e-mail address nyo, kalau isi dari uraiannyo hampia samo ado ciri khas pantun.
Ngomong2 soal pantun, untuak baraja apo rahasionyo ko mak, maklumlah awak ko suku tembak 12 pas sajo, ciek lai mak kalau kami pandai tantu indak hilang sajo dek paneh ilmu pantun ba pantun ko.
____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
___________________________________________________
Yahoo! Messenger - Communicate instantly..."Ping" your friends today! Download Messenger Now
____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ___________________________________________________
