Assalamu'alaikum Wr.Wb.
Mak Zul Amry sarato Sidang RN.
Kalau pakaro namo ko, ambo ado pulo carito jokajadian nan sabana tajadi . ado ambpek namo nan masih tangiang jo ditalingo ambo sampai kini. Tapi sabalunno ambo mintak maaf ka nan banamo sarupo iko, disiko ambo cuman bacarito sabagai gambaran, bukanno mambukak aib.
1. Robert. > surang anak laki-laki diagiah namo Robert, wakatu ketek, diimbau jo Robert mulono, tapi dek payah bana urang awak maimbau Robert (bhs inggirih) mako nan tadanga adolah Robek, tapi dek urang awak payah juo baru maimbau robek, karano robekko adolah bahaso indonesia, mako diganti sajo dek urang banyak sambia bagarah-garah manjadi Cabiak, mako salajukno baimbau sajo anak ko jo Cabiak, sampai ano agak gadang.
2. Ok Ciai dan A Diang > namo Ok Ciai dan A Diang ko, ambo dapek-i di daerah Maluku Utara, kabatulan apak no urang awak, amakno urang sinan, antah dima pulo dapek ide, mako baagiahlah duo anak laki-lakino jo namo tu, Pernah pulo ditanyokan urang ka apakno, ba a mako baagiah namo sarupo itu ? kajawekno : itu manandokan urang awak usali tu kecekno, dan apobilo urang indak tau bahaso Minang, mako disangko namotu barasa dari bahaso Japang.
3. Lasman, iko namo urang dikampuang ambo bana, baliau ko badunsanak banyak, kabatulan baliau adolah anak paliang bunsu, laki-laki pulo, mako diagiahlah namo Lasman (mungkin mukasukno anak laki-laki dan bunsu pulo = Lastman).
Sakitu dari ambo, sakali lai bari maaf kok ado nan maraso jo taraso.
Wassalamu'alaikum Wr.Wb.
Bandaro Labiah
zul amri <[EMAIL PROTECTED]> wrote:
Yahoo! Messenger - Communicate instantly..."Ping" your friends today! Download Messenger Now
____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ___________________________________________________
