Re: [R@ntau-Net] Rangkuman Pantun Minang

[jun aidi]

Wa'alaikum salam wr. wb.

 

Iko saketek dari kami di kandang singo mak.

 

Singkarak kotono tinggi

dibaliak aia badulang

awan bararak den tangisi

badan lah larek dirantau urang

 

karatau di sangko madang

baluluak padi malah kirono

marantau disangko sanang

barusuah ati malah kirono

 

gunung marapi jo singgalang

nampak nan dari koto tuo

lai mukasuik handak ka pulang

pitih nan sayuik apo kadayo

 

batang tabu jo batang tibarau

diabok nak rang tanjuang pati

tolong doakan kami dirantau

untuang tajajak tanah tapi

mamak kanduang sutan mangkuto

nan barumah di tapi sawah

dipuhunkan do'a ka nan kuaso

arok kok untuang lai barubah

 

wassalam

 

Junaidi Ml. Basa (37), kandang singo

arshad sidik <[EMAIL PROTECTED]> wrote:

Waalaikum salam

 

Iko nan dari rantau Mak,

 

Gadanglah aie nan dari hulu

Hanyuiklah rantiang kayu patah

Larek ka rantau ambo daulu

Dek di kampuang indak sikolah

 

Nan karatau di sangko madang

Tumbuah sabatang di tapi ngarai

Marantau di sangko sanang

Ruponyo batambah sansai

 

Salam

Sd Arshad [47] KL

Zulharbi S <[EMAIL PROTECTED]> wrote:

Assalamu'alaikum wr.wb.

Basamo ko ambo lewakan kumpulan pantuan sanak nan ado di RN. Kapado Bandaro Labiah, kok talabiah takurang tolong di pelok-i. Kok dapek dilanjutkan sasuai jo katagorinyo.

Wassalam

ZS Mangkuto

 

RANGKUMAN PANTUN MINANG

 

Batang tabu jo batang timbarau

Dibawo anak rang Tanjuang Pati,

Manolah sagalo sanak nan di rantau

Kirimkan kami pantun paubek hati

---

Do you Yahoo!?
New and Improved Yahoo! Mail - Send 10MB messages!____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
___________________________________________________

---

Do you Yahoo!?
Yahoo! Mail is new and improved - Check it out!

____________________________________________________
Berhenti/mengganti konfigurasi keanggotaan anda, silahkan ke: 
http://rantaunet.org/palanta-setting 
___________________________________________________