|
Kamanakan ambo Zul,
Kok caro manyariang imel gadang ko lah
lamo tantu dek ambo. Tapi kamanakan tantu maklum bana, kalau co itu ambo
mambatehi imel, akibaiknyo:
1. imel gadang ko tetap masuak dan ambo
tetap musti manarimo, tapi lansuang masuak ka folder deleted items. Jadi indak
ado paidahnyo dek ambo tetap mambaia pulsa dan ISP untuak imel nan ditarimo dan
lansung didelete.
2. Ambo juo mamaralukan attachment dari
urang-urang tertentu, co anak-anak ambo nan batebaran di suduik bumi Allah ko,
baiak dokumen ataupun foto keluarga.
Malah ambo lah bicarakan jo ISP ambo di
Padang, Visionnet. Kalau posting gadang ko disariang di server ISP, akibaiknyo
ambo indak bisa manarimo nan paralu dek ambo, tamasuak ka japri.
Salah satu taratik rang Minang ko adolah;
RASO JO PARESO. Jadi tolong sajolah patenggangan kami nan bansaik nan
mambaia internet jo pitih dari saku surang ko. Indak usahlah mangirim file
gadang. Kok ado nan taraso paralu dek nan lain, sorakan sajolah di lapau.
Kirimkan sajo ka sia nan basorak: "Kirim ambo ciek !"
Kok banyak juo nan mangirim posting
raksasa ko ka lapau, mungkin ambo ka mamintak Miko maagiah fasilitas co nan nyo
agiah ka Ma' Ngah Sjamsir Sjarif: BISA MANGIRIM KA LAPAU dan INDAK USAH MANARIMO
DARI LAPAU.
mak Sati
|
____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ___________________________________________________
