Ass.wr.wb. Sato lo ambo sangenek, dek ambo lai tahu pulo apo nan sabananyo tajadi. Apo nan disampaikan dek Mak Sati samo jo apo nan ambo tarimo dari kawan ambo Bapak Ir.Muslim Kapalo Dinas Tenaga Kerja dan Transmigrasi Sumbar. Apak ko urang Piaman, kawan sakelas jo ambo di Fakultas Teknik Jurusan Mesin Universitas Sumatera Utara. Dari inyo ambo dapek carito, persis samo jo nan Mak Sati caritokan, kebetulan pado saat pengusiran tu beliau sadang dinas ka Palembang dan basobok jo ambo. Jadi manuruik ambo bialah Hukum nan ka batindak, sebab negara kito ko negara hukum. Perumpamaan Mak Sati tu sangaik tapek, rumah2 kito dipakai dek urang lain nan nota bene kito manolong ka inyo, tapi sampai saatnyo kito butuh inyo indak namuah baransak dari situ. Pemprov Sumbar tantu harus bijak dalam masalah ko, jaan asa usia mausia sajo, cubo lah cari wukatu nan pantas dan cocok sarato manusiawi, apolai acara pengusiran tu di liput dek seluruh TV Swasta, tantu info tu taseba ka saluruah pelosok tanah aie, malu kito di buek e.
Wassalam, M.St.Bangsawan (47 th) > RE: [EMAIL PROTECTED] Diusia malam hari, SMK Dhuafa & bantuan perantau > Waah, wawaah! Ambo raso iko logika dan kasimpulan nan paralu dipaluruih. > Jan dibelokan masalahnyo ka: labiah paralu manampuang transmigran daripado > manampuang anak-anak awak rang Minang. Kaliru! > Gedung tu punyo Departemen Transmigrasi (mantan) nan kutiko departemen ko > dilikuidasi disarahan ka pemda. Dek kutiko tu gedung ko indak bafungsi, > untuak samantaro, dipinjamkan ka yayasan SMK Dhuafa, dek prihatain > mancaliak kutiko tu sikola ko baraja dari musajik ka musajik. Tantu > mukasuik pemda, dengan waktu duo tahun dan bantuan nan mengalir dari > sagalo arah, yayasan ko bisa bausao mandirikan gedung sendiri. Tapi > ternyato yayasan ko lah kalamakan maunyi gedung perai dan baasumsi indak > mungkin gedung ko ka dimintak pemda baliak, sahinggo usaonyo untuak > mandirian gdung sendiri nampaknyo indak serius dikarajoannyo. > Kini dek instansi transmigrasi ko lah ado baliak, walaupun indak dalam > format departemen, tantu inyo mamintak punyonyo baliak. Apo lai inyo > disasakan dek atasannyo untuak manampung para transmigran nan sabanta lai > ka tibo di Sumbar. > > Cubo bayangan ka diri awak. Awak punyo rumah kosong. Dek ibo jo tetangga > nan bansaik nan manggadangan anak yatim, dipinjamkan ka tetangga ko untuak > 2 tahun, dan banyak infaq jo sidakah nan mangalir ka inyo, dengan harapan > dalam maso 2 tahun tu inyo bisa barangok dan maimaik pitih nan takumpua > untuak iduik, bausao, dan bisa mambuek rumah surang atau paliang kurang > manyeo rumah lain. Sasudah 2 tahun, rumah tu paralu dek awak untuak > kepentingan awak. Tantu awak mintak baliak. Baa rasonyo, kalau nan > ditolong ko indak amuah pindah, malawan, bahkan mambae awak jo batu. Baa > lo perasaan awak urang lua basorak: IYO SABANA INDAK PUNYO PRIKEMANUSIAAN, > MAUSIA ANAK YATIM. INDAK MANENGGANG URANG BANSAIK! > > mak Sati ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
