Maa Rang Lapau nan Basamo,
Karano ditambuihkan ka jalua paribadi, bialah dipaguluikkan pulo sabanta mancaliakno.
Sabanano indak Caro Bulando sin doh, sambuah Caro lain nan lah kito pakai, atau mungkin Caro Awak nan diambiak diadaptasi urang atau dijadikan Caro Urang.
Misanyo kato "adaik", apokoh Caro Arab nan awak ambiak, atau Caro Awak nan diambiak Caro Arab?
"Amuak" jo "baramuak" lah manjadi "amuck" Caro Inggirihno.
Urang Kampuang kito lah mamakai kato "agiah" jo "taek" sajak sisuak, lah sajak ketek ambo pakai kaduo kato tu di Kampuang sabalun pandai maambo mangucapkan abjad Inggirih Ei Bi Si; apokoh mungkin lo Urang Inggirih nan maadaptasino manjadi "give" and "take" sajak Raffles manjajak Kampuang kito sampai-sampai ka Simawang? Atau mungkin dibawo ka Banua Ruhum dek anak buah atau adidunsanaknyo nan babaliak ka Banuanyo sasudah sampai Pariangan atau sudah manampak ka Gunuang Marapi nan Sagadang Talua?
Sia nan mamakai "sarawa" labiah dahulu, Urang Awak atau Urang India? Kalau misano awak klaim kato "sarawa" tu kato awak sadangkan "kameja" tu Caro Patokah, manga mangko urang Afghan atau Pakistan nan mamakai "Salwar Kamiz" kombinasi sarawa jo kameja?
Untuak ka tambah garah saketek, "iyo gaca den maagaki"; aa lo ucapan kato "gaca" dalam Caro Inggrih?
Silakan takok aa arati kato-kato ko dan dari Caro aa ko kato-kato ko mungkin diambiak:
medan
bawah
awas
sabun
kakuih
lapek
cipuik
cincuik
cingkuruik
cingkonok
...
dsb... silakan cari asa katonyo sambia main-main garah-garah atau iyobana, cubo nan sapuluah tu. Sudah tu kito ponten sia nan manang. "Ponten" ko caro aa lo go? Indak buliah mancicidiak. Sabagai bonus, nomor sabaleh, aa lo arati dan dari maa lo kato "cidiak" ko dicidiak.
Bialah Nyiak Sunguik kohor-kohor mancigok-cigok sin dari Lua Lapau batungkek batang tibarau.
Salam,
Nyiak Sunguik
At 07:38 PM 8/9/2004 +0700, Darul Makmur wrote:
Supayo tambuih.
-----Original Message----- From: [EMAIL PROTECTED] [mailto:[EMAIL PROTECTED] Behalf Of [EMAIL PROTECTED] Sent: Monday, August 09, 2004 6:03 PM To: [EMAIL PROTECTED] Subject: [EMAIL PROTECTED] Bahaso Urang Awak
Assalamualaikum Wr. Wb.,
Buliah lo awak batanyo ciek ka Mak Ngah (ambo sok alah kenal sajo), atau ka mamak2 yang lainnyo. Banyak bahaso balando yg diadopsi ka bhs. Indonesia, contoh sbb:
> lampu : lamp > galeh : glas luruih ejaanno: glaas > kantua : kantoor > Dosen / Docent > Bioskop / Bioscoop > Handuk / Handdoek > Keran / Kraan > Pensiun / Pensioen > Notaris / Notaris > Knalpot / Knalpot > Tapi ado bahaso / istilah minang yg diambiak dari bahaso balando, tapi indak ado di bhs. Indonesia contoh sbb: Necis : aardig / leuk / mooi, artinyo rapi yg samo jo bhs. balando. Pinukuik, kue urang awak, satalah ambo tanyo samo persis jo yg awak punyo.
Baa dek tajadi bantuak iko, dan apokah ado kato lain (asal Belanda) yg tidak ada di bhs. Indonesia, tapi hanyo ado di bahaso awak sajo.
Sakian, tarimo kasih banyak talabiah dahulu, wassalam, Syahril.
--- Outgoing mail is certified Virus Free. Checked by AVG anti-virus system (http://www.grisoft.com). Version: 6.0.735 / Virus Database: 489 - Release Date: 8/6/2004
____________________________________________________
Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
