To: [EMAIL PROTECTED] Subject: Bodi (Re: Andrianto) Bcc: MinangNet, [EMAIL PROTECTED]
Pangana Ambo acok pulo ilang Andri, tarutamo sasudah maminjam pitih ka urang, acok tibo amnesia :) Takana dek ambo Andri batanyo kampuang Bodi? Ambo sangko itu tentang milis lain. Baiaklah ambo cubo jalehkan saketek sasuai jo apo nan ambo katahui sajo. Sapanjang pangatuan ambo, Bodi tu namo untuak Bodi Caniago, salah satu kaum nan lah ado sajak saisuak di ranah Minang. Caritonyo, Bodi Caniago ko dipimpin dek Dt. Perpatiah nan Sabatang. Oposan baliau, yaitu Dt. Katumangguangan adolah pamimpin dari suku tuo lainnya di ranah kito, Piliang. Datuak Perpatiah nan Sabatang iyo bana balain pandirian mengenai sistem pamarintahan nan harus dijalankan di Ranah Minang. Manuruik baliau ko, satiok kabijaksanaan haruslah "titiak dari ateh", dalam artian niniak mamak mamutuihkan sagalo sasuatu sadangkan anak nagari cukuik mahanjuang tinggi mahamba gadang sajo, mungkasuiknyo ma-aminkan sajo parentah dari ateh. Sadangkan Datuak Katumangguangan, bapandapek bahasonyo kabijaksaan itu harusnyo "mambusek dari bawah" dalam artian rakyaiklah nan manantuan, pamimpin tingga manyalurkan sajo. Demokrasi kecek rang kini. Pertentangan antaro Dt. Perpatiah nan Sabatang ko jo Dt. Katumangguangan balangsuang balamo-lamo, tanpa jaleh sia nan ka manang. Pado suatu hari, kaduo baliau ko batamu dakek sebuah batu gadang. Antah sia nan mamulai, nampaknyo kaduo pamimpin sati tu alah sampai mampardebatkan masalah tsb. Urang nagari indak ado nan talok sato. Sia nan ka bisa manangahi duo pamimpin gadang, datuak ati nan sabana batuah? Kutiko tu, manitahlah Dt. Perpatiah nan Sabatang; "Datuak Katumangguangan! Sasungguahnyo pandapek Datuak indak dapek dipakaikan di ranah nangko. Itu samo sajo jo manyarahkan nasib nagari ka tangan urang nan indak mangatahui alua jo patuik! Jikok alam takambang nan jadi guru, manjalang patuih ka tibo kilek manitah, ujan nan turun dari langik, wahyu nan turun ka Rasulullah, indak paralu pandapek dari umaik! Ba kok Datuak sampai bapikiran balain sarupo itu?" Mangko manjaweklah Dt. Katumangguangan, "Dt. Parpatiah nan Sabatang nan ambo hormati, padoman hiduik rang Bodi Caniago, nan mahitamkan jo mautiahkan, nan mambanakan jo manyalahkan. Sasungguahnyo kito samo, baguru ka alam nan takambang. Alam mangato, syarak mamakai, adaik manjalankan. Katiko dicaliak dek kito rabuang nan tumbuah jadi batuang, batuang kuaik dapek dijadikan ka bajak, bajak dihelo dek kabau ditangah sawah, mananti baniah nan katumbuah, dari baliak jarami nan baserak. Ado papatah mangatokan bahaso vox puli, vox dei. Jadi paham Datuak itu ndak bisa ditarapkan di ranah kito ko, diktator itu namonyo!" kecek Dt. Katumangguangan. Perbedaan paham tsb makin marunciang, akhianyo dek indak tahan manahan emosi, dicabuiknyolah karih nyo nan sati dek Dt. Perpatiah nan Sabatang. Namun sarantak kasado anak nagari nan barado disinan, sagiro tagak diantaro kaduo datuak Sati tu, mahadok ka arah Dt. Perpatiah. Indak ado nan mangecek, tapi dari roman wajahnyo masiang2, nampak bahaso anak2 nagari tu alah bartekad, "Sabalun mahadoki Dt. Katumangguangan, langkahi mayat kami daulu!" baitu kiro2 keceknyo dalam hati. Akhianyo Dt Perpatiah sadar, inyo memang tingga sabatang kara, indak ado nan bapihak ka inyo lai nampaknyo. Untuak malampiaskan sakik hatinyo, mangko ditikamkannyo karih nan dipaciknyo tu ka batu nan ado di dakeknyo tagak. Sampai kini, lubang bakeh karih Dt. Perpatiah tu masih bisa di caliak di batu tu, nan ado di dakek Pagaruyuang, Batu sangka kini. Dinamokan urang "batu batikam". Wassalam, Wady Afriadi [EMAIL PROTECTED] http://wady.or.id At 02:40 AM 8/21/2004, you wrote: >Uda Wady, > >rancak bana posting nan masuk ka mailbox ambo. Hari >manjalang malam di kampus, tapi dek email dahsyat bak >cando iko, labiah dari patuik untuak mandapaik baleh. > >Uda Wady!, kok pangana ambo indak bakhianat - >kadang-kadang pangana ambo bak cando polisi, jarang >ado di tampek bilo dibutuhkan - ado kampuang rancak >banama Bodi (or Bodhie, or even Bodhi, not quite sure >to be honest, please correct me if i'm wrong). ---------------------------------------- Do You Urangawak? Join the [EMAIL PROTECTED] The group of Minangkabau folks worldwide To join, click http://groups.yahoo.com/group/urangawak ---------------------------------------- __________________________________ Do you Yahoo!? Read only the mail you want - Yahoo! Mail SpamGuard. http://promotions.yahoo.com/new_mail ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
