Assalamualaikum Wr. Wb., Iyo lapeh taragak, tadi malam tu anak mamuta vcd (kaset punyo adiak ipa) topik saluang moderen, ambo caliak kuliknyo indak ado lai, baitu tadanga musik dan kalua gambar iyo iko bana yang dicikinankan, gambar2nyo balatarbalakang silaing kariang, dan rumah adaik, juo barikuik panari yang bapakaian adaik.
Baitu musik saluang mulai, ondeh mak iko indak baiak lai, ambo jo anak2 ikuik bagoyang karano ado disko2nyo saketek tapi dg musik saluang, indak bayiak lai satangah jam indak taraso alah bagoyang, indak tau malu lai ka urang yang dijalan mungkin taheran2. Karano kulik kaset indak ado lai, disetiap judul tatulis saluang Taherman, panyanyi Susi dan Dewi dari minang record cuma itu yang taingek sampai kini, kalau kato2 salah satu lagu yang ingek diujuang lagu ado kato2 ...... de da, ........ de da, oh alangkah lamaknyo, tapi alah baputa 0,5 jam, istri langsuang mamatikan karano penyanyi nyo asli manih gadih urang awak mungkin baliau jealousy???, bantuak judul nyanyi queen sajo, kalau indak salah, maklum alah lamo nostalgiako. Untuak mahilangkan raso badoso, lai bisuak paginyo satalah sumbahyang subuah, duduak mandanga pangajian, baru satalah itu agak hilang raso badoso tadi. Bauntuaglah sanak yang ado di ranah minang, jadi indak paralu bajoget2 bantuak ambo tudo. Tapi malalui surekko, kok lai dunsanak awak yang bisa maagiah pangarahan tantang musik tadi, atau sejarah/carito saluang dsb. iko sangek manambah ilmu awak kasadonyo (tarutamo yg indak di minang), mungkin mamak Bandaro, Eva di jerman atau mak Ngah, dan dunsanak dimano sajo barado. Sakian, banyak maaf dari ambo yg kagadang atian ko. Wassalam, syahril. ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
