Maa Rangkayo Eva,
Takana di ambo lagu joget Malayu, Burung Nuri, tapi kato-katonyo lah lupo. Lagunyo tangiang-ngiang di kapalo sahinggo ambo malenggang lenggoklo saroman bajoget duduak di muko komputer ko:
Burung Nuri, terbang tinggi, ..... Mari mari, kekasih hati, ....
Kok ado adidunsanak nan takana kato-kato dalam lagu joget ko tolong isi, buliah nak bajoget pulo kito kuliliang dunia sambia Rangkayo Eva manaruihkan paroyek Magek Manandin nan sadang dikakoknyo.
Dengan indak mambaco buku Magek Manandin atau indak ado referensi di tangan, ambo cuma baangan-angan sajo dengan legenda Burung Nuri ko. Burung Nuri adolah burung indah bawarna warni, dapek taang randaha dan tabang tinggi, jadi kasayangan dalam carito, jadi angan-angan nan diidentikkan dengan kekasih bagi urang nan jatuah cinto. Saroman kabanyakan makhluk Ilahi, burung nuri pun tantunyo diciptakan Ilahi bapasang-pasang, tapi nan manjadi fantasi dalam idaman si lakon mungkin nan batino sajo. Jadi dalam khayalan ambo kamungkinan Burung Nuri dalam carito Manandin tu saurang gadih manih dalam keluarga nan manjauhi si Magek, tetapi dengan tulus maaproachnyo dengan rahasia. Hal itu mungkin karano inyo bijaksana dan simpatik ka Magek Manandin atau Magek Manandin lah jatuah hati pulo ka inyo, sahinggo Burung Nuri pun namuah manyuruak-nyuruak mambisiakkan rahasio demi kasalamatan Magek Manandin.
Saakitu dulu sakadar takok-takok uwok pambari tanyo. Kok indak batua mungkin kito tamba-tamba atau sampa-sampakan sajo idea tu ka carito magek Manandin tu. Atau kok ado nan lah tahu kito mintak mangatangahinyo lakeh-lakeh jan Rangkayo Eva sampai paniang bana dikaja dedlain. Dedlain ko iyo kadang-kadang manggilo bagai, kadang-kadang bisa mahansik awak bagai kabulakang tiok sabanta deknyo ... Ssst. Ah, ado ado se nan dibisiakkan Buruang Nuri ko ehh... :)
Salam, -- Mak Ngah
At 01:19 AM 8/24/2004 -0700, Eva Nukman wrote:
assalaamu'alaykum wr. wb.
Niniak mamak, bundo kanduang, sarato dunsanak kasadonyo. ado nan ka ambo tanyoan.
dalam curito Magek Manandin, inyo ditolong dek buruang nuri nan pandai mangecek. katonyo asanyo dari subarang Aia Gilo. inyo kapunyoan Puti Taruih Mato
sia/apo subananyo buruang nuri ko? apokoh ado dalam curito2 lamo, mitos atau legenda, satantangan buruang nuri ko?
tolong lah ambo Mak, Bundo, Sanak, tolonglah dibari tarang.
ciek lai, apo arti "ibaraek dagang basandaran"?
tarimo kasih banyak sabalunnyo
va, 35 nan sadang paniang dikaja dedlain
--- Outgoing mail is certified Virus Free. Checked by AVG anti-virus system (http://www.grisoft.com). Version: 6.0.742 / Virus Database: 495 - Release Date: 8/19/2004
____________________________________________________
Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
