Maa Angku Imam Sati,
Ambo mancaliak-caliak Lapau dari Lua, lah tampak Angku Iman Sati di Palanta. Salamaik baliak ka Lapau nan tadinyo samo kito bina. Ambo masih di Kalifornia, Angku lah lamo di Surabaya, samo lah lamo indak dapek barita.
Angku Andy Maas masih di, lah lamo indak di Lapau. Data di Stanford antah masih dapek diakses atau tidak. Angku Daniel Yusuf lah hilang pulo sajak ka Indonesia. Sagalo Data Lapau di Spokan di Walawala lah hilang di Cakarawala Angku Syaf pun lah lamo indak tadanga dari Indonesia Data nan di IIT antahlah dimaa. Sabanta manaumpang pulo di ITB Sudah tu Lapau pindah ka Airland.net di San Francisco, Sudahtu pindah ka masin rantaunet.net Kini data di rantaunet.net lah tasumbek pulo Kito lah pindah ka yahoo minang.rantaunet.org Angku Miko Mikardo Rang Dapuanyo
Angku Gindo Arisman di UNRI Pakanbaru lai basuo jo ambo Januari nan lalu Angku Masdar Tan Gala Mainda di Bangkaulu Alun panah ambo batamu.
Rangkayo Nismah lai duduak di Lapau Rancak angku maota jo Baliau Dari baliau, Angku M. Agita dapek dicari, Angku Sutan Salim dima lah kini.
Mungkin takana jo Angku Bandaro, Dari Terempa HPnyo ambo tarimo sabantako. Baliau sadang manuju ka Lauik Cino. Agak duo minggu baliak pulo di Palanta ko.
Maoh ambo takaja, kapai malompek naik Amtrak dari San Jose ka Seattle malam ko.
Seminar sahari hari Sabtu, baliak lai hari Akaik, sampainyo ari Sinayan.
Koretapi Amtrak 24 jam one way. Jadi lapeh lo urak-urak naiak koreta.
Mambandiangkan naik koreta kapatangko (Dec. 2003) di Myanmar,
nan duopuluah ampek jam dari Yangoon ka Mandalay,
duo puluah anam jam dari Mandalay ka Mitkynya.
Salamaik maota di Palanta. Salam, -- Sjamsir Sjarif X____________________________H. Sjamsir Sjarif, MA Indonesian Translator and Cultural Consultant 335 Gault St. #1, Santa Cruz, CA 95062, USA Email: [EMAIL PROTECTED] http://www.usindo.net/hambo Tel (831)-426-1333 Fax (831)426-8907 =============================================
32730
From: <[EMAIL PROTECTED]> Date: Thu Aug 26, 2004 1:13am Subject: [EMAIL PROTECTED] Re: Welcome to the 'palanta' mailing list
Dunsanak di palanta kasadonyo,
Alhamdulillah, ruponyo lai ditarimo baliak di palanta ko, Ambo R. Y. Perry Burhan Imam Sati marantau ka surabaya manjadi bonek di rantau ilie ko. Dulu sajak sakitar 11 tahun nan lalu, sangkek palanta ko di kelola dek sanak Andy Maaz (kalau ndak salah) ambo lah duduak di palanta ko, tapi ndak tau sajak sataun nan lalu, kotak surek ambo tacabuik dari palanta, dan alhamdulillah pagi ko ambo tarimo welcome dari palanta.
Mohon maaf, kapado ibu, apak, sanak kasadonyo, kok ado salamo ko pasan nan ndak sampai.
Tarimo kasih ka pak walijorong nan lah maagiah ambo KTP untuak bisa duduak di palanta ko baliak.
Salam bonek dari surabaya,
wasalam, imam sati
--- Outgoing mail is certified Virus Free. Checked by AVG anti-virus system (http://www.grisoft.com). Version: 6.0.742 / Virus Database: 495 - Release Date: 8/19/2004
____________________________________________________
Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
