Assalmulaikum WW Sanak Wady nan sadang tagoyang jo disingguang dek rang rami dibalaiko. Urang disiko alah maklum sia si Wady, dan urang disiko indak pakak sadoanno doh, banyak juo nan sato duduak dirumah tetangga bagai. Jadi alah maklum siapo sanak nantun kini. Tolong, tolonglah kami untuak samo managakan adat atau taratik dirumah gadang rantaunet-ko
Kini kami batanyo, apo sanak iningin samo manyalasaikan satantangan masalah iko, atau masih ka managakan banang basah juo? Kalau ka managakan banang basah eloklah awak babateh sajo sampai disiko, dek nampakno indak sajalan ko do mah. Kalau lai namoi samo namuah manyalasaikan nan tajadi. Ado duo caro manyalasaikannyo, dirantang panjang nakno jaleh, atau dipunta nak no singkek. Eloklah dipunta nakno singkek. Baa dipunta kini duh? Injan digili-gili juo puncak kada urang, alah jaleh urang marauang dilantak juo. Alah jaleh kini mamakai bahaso tulisan injan dipakai bunyi nan kadangaran dek sanak juo. Subjek nan sanak buektu adolah bunyi nan kadangaran dek sanak. Bunyi kadangaran tu sangat banyak biasno, apo lai manganai namo. Namo nan agung maha besar lai. Masa sampai salah "spelling". Sia sajo apo lai nan sangat terpelajar saroman sanak tu, pasti mangatahui bahaso salah spelling, akan salah artino, apo lai bahaso Arab atau nan barasa dari bahaso Arab, ciek huruf sajo indak tapek, bisa menghina jadino. Jadi kini tolonglah, ka dipunta nakno singkek, atau kababateh awak disiko. Kalau nan kaduo dipiliah, bialah moderator rantaunetko pulang maklum nantino. Bari maaf ambo, dek sampai tembak duo baleh pas sajo, sabok kalau jo kias bateletele lo jadino biko. Wass. WW St.P -----Original Message----- From: [EMAIL PROTECTED] [mailto:[EMAIL PROTECTED] Behalf Of Wady Afriadi Sent: Thursday, September 16, 2004 5:13 PM To: [EMAIL PROTECTED] Subject: [EMAIL PROTECTED] "Tuanalah" dan "Kuraan" Yth. Niniak Mamak, cadiak pandai suluah bendang dalam nagari, nan bapucuak sabana bulek, baurek sabana tunggang, nan barado di salingkuang palanta ko. Salah surang mamak kito nan terhormat, mangatokan bahaso ambo menghina agamo dengan mangatokan Tuhan Allah SWT sebagai Tuanalah, dan menyebut Al Qur'an dengan Kura'an. Maaf saribu kali maaf nan ambo mintak, niniak mamak, cadiak pandai kasadonyo. Ambo manyabuik sarupo itu, karano di nagari awak, iyo baitu urang manyabuiknyo tadanga dek ambo. Atau, pandangaran ambo koh nan sasek? Jikok urangawak manyabuik "Tuanalah", ataupun "Kura'an", mangko tantu mungkasuiknyo adolah Tuhan Allah SWT dan Al Qur'an, dalam bahasa Indonesia. Karanao, milis ko adolah forum urang awak, nan babahaso Minang, mangko, sasek kah ambo mampagunokan kaduo kato tasabuik? Jikok manghina, tantu urang awak nan manyabuik kaduo kato tu di Ranah Minang, alah manghino agamo Islam kasadonyo. Dek aka ambo nan singkek pikiran ambo nan bodoh, tantu ka mamak2 nan labiah tau ambo batanyo. Wassalam, Wady Afriadi ---------------------------------------- What happened to Urangawak? http://groups.yahoo.com/group/urangawak ---------------------------------------- ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________ ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
