Assalmulaikum WW Mak Ngah, alhamdulillah, jakarta dan masyarakatnyo alah baansuaansua hilang trauma dek nan mal;atuih di kuniangan tu. Nan kantuano indak rusak di Kuningan tu alah mangantua baliak. Mak Lembang nan kantua baliau tahalang sagaduang (South Tower Kuningan Plaza, alah mangantua baliak.
Ambo saat bom kamalatuih tu ioyo manaju daerah Kuniangan tu. Dek macet bana dan banyak oto pulisi nan mangeongngeong, mbo cubo manapi, batanyo kaurang rami, rupuno ado bom nan malatuih, tapi mereka indak jaleh di mano. Tapi mereka manunjuakan Plaza 89 nan nampak kacono pacah sajo. Sampai di Sudirman, satalah manonton TV, barulah mbo sadar saat itu bahaso ado bom dan malatuih dakek kedutaan Aussie. Alhamdulillah, ambo talambek lewaik kian, dek macet bataruihkan sajo arah ka puun, sampailah di Sudirman jadino. kini nampakno masyarakat alah agak lupo sajo, kehidupan bajalan saparati biaso di Jakarta. Malah jalan kuniangan tu alah macet baliak satiok sanjo. Nan heboh iyo tukang kaja pambom, nan alah capek manuduah Azhari, M Top dan JI. Antah iyo antah indak. Jo pikiran nan singkekko, raso iyobisa mancaliak kaki ula mamanjek, saroman nan dilansir dek Ajo Duta. Kan ado duo pemilu diduo negara panjajah baru, tukang buek tukang bom, dek inhyo ma bom negara nan jauah dari kekuatanno. Baranino kan iyo ka nan ketek sajo. Mudahan mbo salah. Wass. WW Darul >-----Original Message----- >From: [EMAIL PROTECTED] >[mailto:[EMAIL PROTECTED] Behalf Of Sjamsir Sjarif >Sent: Saturday, September 18, 2004 1:25 PM >To: Lapau >Subject: [EMAIL PROTECTED] Iman, yang seindah-indahnya nikmat (10) > > >Maa Angku Lembang, > >Dari jauah ambo basyukur Angku Lembang jo kawan-kawan sakantua >sarato Angku >Darul dan adidunsanak lain nan dakek-dakek sinan lai talapeh dari >marabahyo >latuih-latuih kapatang ko. Kini lah labiah saminggu mudah-mudahan trauma >nan dialami tu mudah-mudahan lai talipua dek iman nan kuat dalam diri. >Mudah-mudahan dengan iman dan tawakkal di dalam diri kito dipaliharo juo >dek Tuhan Allah Subhanahuata'ala. Kito ikuik baduka cita kapado >para korban >nan indak disangko-sangko ka mahadoki marabahayo tu. > >Ambo kirim sms kawan saroman dunsanak di ambo Angku Sjoufjan Awal mantan >Staf Utama Dep Koperasi nan ambo tahu kantuanyo di subarang kantua >kadutaan >Austaralia tu. Baliaupun lai tahinda karano wakatu tu baliau indak di >gaduang tu lai karano lah pansiun. Kawan baliau luko-luko kapalo dan >kakinyo ditimpo pacahan loteng nanjatuah ka mejanyo. Tapi syukurlah kecek >baliau, kawan tu lai indak sampai dirawat di rumah sakik doh. >Mudah-mudahan >iman dan tawakkal kito batambah kuat dengan macam-macam cobaan. > > >Nah, iko sakadar selingan. Mandanga carito kunjuangan keluarga kawan ka >kampuang karisten tu di maa "Kandiak basalemak di bawah rumah" iyo takana >pulo dek ambo pangalaman paribadi dalam pengembaraan palayaran >manguliliangi Pulau Nias 40 tahun nan lalu. Barantilah kapa kami >di Hinako, >suatu suatu kampuang di pulau ketek nan paliang kapuun (Barat) pulau Nias. >Pulaunyo rancak, pantainyo putiah landai, pamandangannyo indah. > >Duo hari ambo di Hinako, nan takana sampai kini iyolah "Kandiak basalemak >di bawah rumah" tu. Tondeh dibuek urang di ateh kandang kandiak. Di >bawahnyo kandiak tu lah balunau-lunau siap manunggu apo nan ka balipap. >Wakatu awak ka mancongkong, kandiak tu lah manggaroho-garoho maacuangkan >sungunyo. > >Walaupun lah ado pangalam sabalunnyo nan agak sarupo di Pek Ten jo Ikan >Tobek, Ikan Koluh mancopak-copak manunggu apo nan balipap ka tobek >tu, tapi >muncuang kondiak sarato baunnyo iyo balain jo ikan koluh nan bagarigia >dalam tobek tu. Indak takawwo dek ambo doh saroman itu. Barang nan ka >dikirin tu indak namuah kalua, ambo tapaso lari maegek-egek ka tapi pantai >landai nan agak jauah saketek dari rumah tu. Di sinanlah dibawo badan >mancangkuang sambia mangalamun kok talok baranang mayubarang >lauiktan India >ko tantu lah ka sampai pulo badan ko ka pantai Afrika. Sambia >mangalamun-ngalamun tu, indak tahu-tahu sakik paruik cako lah baransua >hilang, diiringi simbua jo dabua ombak malambai pantai, diambuih-ambuih >angin lunak mangipeh badan... :) > >Salam, >-- Nyiak Sunguik > > > ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
