Waalaikum salam :
Sanak Mul St bangsawan ! apo nan lah dijalehkan tu bana adonyo , jadi gala nan
balakekkan kaambo adolah gala mamak rumah dirumah gadang . Jadi indak ado kaitanyo jo
gala pangulu untuk kaum atau suku . Pangulu Piliang di kampuang ambo bagala Datuak
Mangguang , sacaro turun tamurun diturunkan kapado kamanakan Datuak Mangguang sasuai
jo alua nan patuik dan musyawarah jo mufakat .
Paralu ambo tambahkan bahaso dikampuang ambo Saok Laweh ado 5 ( limo ) suku nan eksis
sampai kini antaro lain : Piliang , Sikumbang , Kutianyir , Supadang , Saarato Malayu
. Dan masiang masiang suku diwakili oleh sorang Pangulu . Diantara para Pangulu
tersebut dipilih lagi lagi berdasarkan rapat nagari yang akan ditetapkan sebagai ketua
KAN ( Kerapatan Adat Negari ) . Panggilan Datuak atau Sutan hanyo sawaktu urang
baralek sebagai kehormatan . Kalau urang tu bagala Khatib atau Pakiah , mako ditampek
baralek akan dipanggie dengan " Balau Angku " sadangkan nan bagala Sutan akan diimbau
dengan "Balau tuan" misalnya Sutan Sinaro , dan kalau sudah bagala Datuak , mako
dipanggie dengan " balau datuak dan sebagainya .
Karano adat awakko hanyo salingka nagari , mako mungkin berbeda penerapannyo disetiap
daerah di Minangkabau .
Wassaalam : zap bandaro malin
[EMAIL PROTECTED]> wrote:
Ass, wr, wb.
Uuupppss, maaf adinda Af, Mak Bandaro Malin ko kalau indak salah tangkok dek
ambo (dari postingan beliau terakhir) bukan Batagak Pangulu dengan gelar
Datuak dimuko gelarnyo tapi batagak gala alias malakekkan gala nan diagiah
dek Mamak2 beliau, atau kalau indak pulo salah ambo yaitu maiisi adek,
dimano apo bilo kito nikah kawin dirantau biasonyo kito alun maiisik adek,
sahinggo gala alun diagiah dek Mamak nan di kampuang, kini dek Mamak Bandaro
Malin pulang ka kampuang dimano pado acara barundiang kito selalu diimbau
gala mako itulah Mamak kito ko sakalian batagak gala. Mudah2an penjelasan
ambo ko cocok di Mamak Bandaro Malin, kok salah tolong di tunjuak i..
Untuak si Af capek2 lah batagak gala pulo saroman Mamak kito tu.
Wass,
M.St.B (47 th Labiah)
----- Original Message -----
From: "Wady Afriadi"
To:
Sent: Sunday, October 10, 2004 10:32 PM
Subject: [EMAIL PROTECTED] Salamaik Kapado Dt. Bandaro Malin
> Salamaik ambo sampaikan lorong kapado Dt. Bandaro Malin, atas pengangkatan
> sebagai niniak mamak dalam upacara Batagak Pangulu tsb.
>
> Mudah2an dengan lakeknyo gala tsb di pundak Dt. Bandaro Malin, batambah
> elok kampuang sarato nagari.
>
> Sarupo pepatah di bawah ko;
>
> "Elok tapian dek rang mudo, elok nagari dek Pangulu."
>
> Wassalam,
> Kamanakan Wady (30th)
>
> P.S.: Ambo pun sampai kini alun bagala Mak. Btw, kiro2 gala apo nan patuik
> lakek ka ambo ko?
---------------------------------
Do you Yahoo!?
Y! Messenger - Communicate in real time. Download now.
____________________________________________________
Berhenti/mengganti konfigurasi keanggotaan anda, silahkan ke:
http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
