Assalamulaikum WW Tabang ka langik tabarito, Tibo di bumi jadi kaba, Sanang ati dek ado kito Baciloteh di rantaunet ko bana
Mak Ngah, dek mak Ngah manulih saketek sejarah RN-ko, ditambah sanak Adrisman nan pak Dosen alah sato pulo duduak baliak ditangah rumah gadang RN-ko. Ditambah ciek lai sanak Yazid Bindar alah dapek pulo dihubuangi, disampiang Bundo Nismah nan salalu mangawasi kami disiko. Kini ado ciek nan takana, nan alah lamo kami nan generasi kaduoko ingin mampunyoi. Alah disigi alun juo batamu nan sabanano. Baa jikok mak Ngah mamuloi manulih baliak sejarah RN-ko, dan kalau dapek ditimpali dek sanak nan lain. Ambo tanyo ka Yazid, kecekno ka dicubo man-trace di komputer, tapi alaun juo sampai kini. Kalau dapek dicantumkan tanggal dan jo moment saat itu. Sanang kami mambacono nanti, apo lai generasi salanjuikno dikeluarga besar Rn-ko. Jikok ambo agak lancang mohon maaf dek itu. Iko dek cinto ka rantaunet nan kini ambo sato manggili. Wass. WW St.P >-----Original Message----- >From: [EMAIL PROTECTED] >[mailto:[EMAIL PROTECTED] Behalf Of Sjamsir Sjarif >Sent: Monday, September 27, 2004 11:50 PM >To: Lapau >Subject: RE: [EMAIL PROTECTED] 35 A nan Takana Marthias D Pandoe; Kaik-bakaik > > > >Kaik bakaik rotan sago, >Kaik bakaik jo aka baha >Tabang ka langik tabarito, >Tibo di bumi jadi kaba. > Sudah tu di ateh tu ado SGA (Sekolah Guru A)tigo tahun sataraf jo SMA. >Murik-muriknyo ditarimo dari tammatan SMP. Ikatan dinasnyo labiah gadang >dari SGB. Di Kampuang Awak, ado tigo SGA wakatu itu. SGA nan tuo ado di >Padangpanjang nan diubah namo dari satu-satunyo Sekolah Normal Padang >Panjang. Nan kaduo didirikan di Padang (tahun 1951) dan nan katigo >dibangun >di Payokumbuah (tahun 1952). Bundo Nismah jo ambo adolah anak sulung dari >SGA Payukumbuah tu. Papa dari Rangkayo Dr. Yeni Rosa adiak kelas kami. Dr. >Arisman Adnan (Gindo Arisman) adolah suami Dr. Yeni Rosa. > >Tahun 1992 Bundo Nismah mamaciak bagian komputer di Caltex. Dengan >perantaraan email baliau, Caltex marupokan serambi dan jalur email partamu >nan manhubungkan Rantau jo Kampuang. Dalam partamuan di dunia maya di >antaro babarapo dunsanak nan pandai Caro Awak, tabiklah pangana baru. >Angku Gindo Arisman, Rangkayo Yenni Rosa, Rangkayo Nismah, ambo basamo jo >babarapo dunsanak nan ado di dunia maya wakatu itu, babisiak-bisiak untuak >mambuek Lapau nan kini kito namokan Rantaunet. Kini alhamdulillah, anggota >Lapau lah labiah sabaleh ratuih, labiah dari satu divisi ukuran tantara. >Sakitulah dulu sakadar tambah kaik-kaiknyo silaturrahim nan samo kito bina >basamo di Lapau dunia maya ko. > >Salam, >--Mak Ngah > ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
