Tarimo kasih mak ngah...kadang bahelo baliak arsip iyo dek karano mancaliak situasi palanta. ambo akan edit baliak arsiptu mak ngah. Sairiang jo situasi juo mah mak nggak ambo cubo helo arsip cimbuak ciek lai nan kami dapek dari bulettin Sungai Pua.
CILAKO MUDO Cilako mudo ado tigo macamnyo : Partamo banamo Mudo Parisau Kaduo banamo Mudo Pangusau Katigo banamo Mudo Langkisau Partamo Adopun Mudo Parisau : Siang malam bahati rindu Patang pagi bahati rambang Balum bahimbau lah babunyi Balun dikubik nyo lah datang Balun dijujai nyo lah galak Bak katidiang tangga bingkai Bagai payuang tabukak kasau Pahamnyo kambiang dek ulek Sabab digilo angan-angan Itulah sifat mudo cilako Nan kaduo Adopun Mudo Pangusau : Iyolah bak pantun urang tuo Cincin perak duo parmato Cincin tambago bakilatan Lah ribuik sapanuah koto Adat rang mudo kasabutan Hilia mudiak inyo manyusah Kiri kanan mamacah parang Dari jorong ka sapanuah koto Dari kampuang ka saganok kampuang Barang taumbai nak mahelo Apo nan tampak nak manariak Inyo nak mandapek sajo Mamintak indak dengan suko Bagai balam tabang randah Ayam di lasuang tasimbada Sabab dimabuak uwia-uwia Nan katigo Adopun Mudo Langkisau : Itulah nan mudo lidah aia Labuah sampik kudo panyipak Arang kareh lari manyimpang Ikua kupik kapalo randah Jangguik taba ajaran kurang Aka buruak itikad salah Manaruah dangki jo khianat Itulah mudo nan cilako Sabab takabua dalam hati Indak mamakai raso pariso Indak manaruah malu jo sopan Hereng jo gendeng apo layi. Kalau ado untuak urang mudo tantu ado pulo untuak nan tuo2 CILAKO TUO Cilako tuo ado tigo macamnyo : Partamo banamo Tuo Nyinyia Tak Manantu Kaduo Tuo banamo Tuo Damuik Badak Jantan Katigo banamo Tuo Riang-riang Asam. Partamo Adopun Tuo Nyinyia Tak Manantu : Bak balam talampau jinak Maangguak-angguak ka tabuang aia Mancotok-cotok kili-kilinyo Dimabuak kecek lunak lambuik Rundiang bak sarasah tajun Indak mambari pangajaran Kato bak bunyi gunuang runtuah Indak ba nasehat taba imanat Batutua ba olok-olok Manyingguang mato bisua urang Itulah tuo nan cilako Sabab indak ba ilimu Nan kaduo Adopun Tuo Damuik Badak Jantan : Tak saketek juo tahu di duri Kulik suriah jangek lah luko Namun lenggok baitu juo Bagai kabau jalang kareh hiduang Parunyuik pambulang tali Indak tahu di mano kandangnyo. Bak ilimu tukang rabab Indak buliah bakandak hati Hanyo manuruik katonyo surang Saketekpun indak buliah disalahi Itulah tuo nan cilako Sabab miskin pado budi Adopun Tuo Riang-riang Asam : Bagai kancah laweh arang Paham bagai tabuang sa rueh Kalau dapek galitiknyo Taruwah bana bak katidiang Kalau tak pandai mangawainyo Tasuruak bana bak anjalai Kalau pandai ma uju-ujukan Dipujinyo bamuko-muko Tapi siapo nan indak manuruikkan Banyak upatan dari balakang Sampai dicacek dihinokan Buruak dan aib dipatimbuakan Disinan syetan duduak bajuntai Pado lidahnyo iblis batahan Itulah tuo nan cilako Sabab tak kasiah akan ugamo. Sumber : BSP 14 April 1986 salangkoknyo tantu klik link dibawahko. http://www.cimbuak.net/index.php?option=content&task=view&id=100&Itemid=54 Sabalunnyo disusun jari nan sapuluah sabaleh jo kapalo mohon maaf jo rila kok ado nan tagisia. mohon maaf nan sagadang gadangnyo. Salam Dewis www.cimbuak.net -----Original Message----- From: [EMAIL PROTECTED] [mailto:[EMAIL PROTECTED] Behalf Of Sjamsir Sjarif Postiang Angku Dewis Natra di Lapau (Rantaunet) nan mangatangahkan pati-pati ideal budi masyarakat Minang sangat tapek wakatunyo untuak diinok diranuangkan, disimpan dalam hati, kok siang dipatungkek, malam dilatak di kalang hulu. Apolai arsip tu dihelo dari Cimbuak disaat-saat Lapau kito sadang diombang-ambiang garah nan mambari kasan saroman tampaknyo budaya kito indak punyo arah. ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
