Assalamu'alaikum ww Sasuai ambo tu jo dunsanak Nofend. Sabagai urang minang, agakno awak alah samo arif tantangan kato. Di dalam adaik awak pun alah tasabuik jo to tapakai sabagai urang baradaik, "Kato nan Ampek", kato mandata, kato manurun, kato mandaki jo kato malereang. Dimako tampaik jo katikono awak paralu mangatokan kato. Kalo awak caliak dalam pangajian nan pernah awak tarimo (mungkin diak Rahima jo Ahmad Ridha jo dunsanak Ronald, dapek manjalehkan sandaranno) ado kato nan disabuik "qualan karima (kato-kato nan mamuliakan), qaulan baligha (kato-kato nan manjalehkan), qaulan sadiida (kato-kato nan tegas) jo qaulan ma'rufa (kato-kato nan elok). Kasadono, kato tu baalamaik ba tujuan. Adopun tantangan awak di palantako, indak basamo gadang sadono, karano itu rancak awak pagunokan kato tarutamu panggilan, nan bisa ditarimo jo raso lapang, indak jo tasingguang. Awak adolah urang-urang badunsanak kasadono, ado nan tuo ado nan mudo ado nan basamo gadang. Labiah elok awak panggiakan "Dunsanak", bisa juo awak sabuikan "Kisanak" atau "sanak". Kato kisanak alah agak jarang awak danga, karano katoko dahulu acok dipakai di acara randai di kampuang, "Manolah kisanak janno ambo, ..... (ambo pernah mancaliak acara ko dahulu katiko masih ketek, antaro tahun 72/73 di Padang Lua, acara tu diadokan di Pakan Ateh Pasa Padang Lua). Sadangkan kato sanak, didaerah awak kadangkalo bisa barati sasuatu nan indak manyanangkan "indak sanang (hati)/indak lamak (hati)" dalam ungkapan tasanak hati den dekno. Kamungkinan lain, kalo ragu dan awak ingin manggunokan panggilan nan tapek, agakno awak mulai dari diri awak untuak mancantumkan namo atau gala dan dibalakangno, dalam kuruang awak tulih umua, sasui mungkin jo nan disampaikan Mamak St. Bandaro
Wassalam Maaf jo ridha ambo pinta kok ado nan indak pado tampaikno. Ardi St. Rky. Mulia (38) > ____________________________________________________ > > Berhenti/mengganti konfigurasi keanggotaan anda, > silahkan ke: > http://rantaunet.org/palanta-setting > ------------------------------------------------------------ > Tata Tertib Palanta RantauNet: > http://rantaunet.org/palanta-tatatertib > ____________________________________________________ > __________________________________________________ Do You Yahoo!? Tired of spam? Yahoo! Mail has the best spam protection around http://mail.yahoo.com ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
