Assalamu'alaikum wr.wb., He..he..he..,
Sabanano go eh, sabanano indak ado bagai nan salah doh. Nan dikecek-an dek si Af itu indak baduto bagai no tu doh. Iyo baitu kabiasoan urang awak manyabuik namo Allah Ta'ala. Iyo salah, tapi salah nan kaprah. Ado urang Kristen nan mancimee, urang Islam ko sumbayang babahaso Arab, padohal antah lai mangarati antah indak. Iko kecek urang nan indak baraka, indak mangarati agamo Islam sajo. Di agamo Kristen 'sumbayang' mareka buliah dalam bahaso masiang-masiang. Buliah babahaso Inggirih, babahaso Jaruman, babahaso Japang, babahaso Indonesia, babahaso Jawa, babahaso Batak. Aa nan tajadi? Kajadian sasudah itu batuka-tuka arati 'sumbayang' mareka. Indak mungkin mareka sumbayang basamo-samo. Dalam Islam, urang nan sumbayang di New York, atau di London, atau di Madrid atau di Damaskus, atau di Makkah, atau di Madinah, atau di Karachi, atau di Tokyo atau di kaki gunuang Marapi di nagari awak, saroman bacoanno. Baitu dalam agamo Islam ka universalan tu. Tapi kan indak sado urang bisa mangarati nan dibacono? Aaa itu pakaro lain. Kalau lai ado niaik jo usaho untuak mangarati insya Allah bisa mangarati. Namun, untuak manyampaikan pakaro agamo tapaso juo dipagunoan bahaso awak masiang-masiang. Ado warna bahaso Minang di Minangkabau, ado warna bahaso Sunda di Tanah Parahyangan, ado raso bahaso Jawa di tanah Jawa. Iko untuak manarangkan pakaro agamo Islam tu nak murah di umaik mamangaratino. Mako dinagari awak, iyo ado kalua kato 'Tuan-Alah' tu. Nan sabanano indak panah ditulihan, tapi prononsiasino iyo sarupo itu. Ambo kecek-an indak panah ditulihan, indak tau awak antah jo huruf gadang 't' jo 'a' no tu antah indak. Buya di pangajian bana iyo sarupo itu mangecek-an. "Awak indak buliah takasia, bangih 'Tuan Alah' ka awak biko,". Tantu sajo nan dimukasuik dek baliau adolah Allah Subhanahu Wa Ta'ala. Tapi iyo sarupo itu baliau manyabuik. Ditanah Sunda biaso disabuik 'Gusti Aloh' (indak batasdik lam no doh). Kadang-kadang indak basabuik-an 'Aloh' disabuik sajo Gusti Pangeran, nan dimukasuik tatap juo Allah Subhanau Wa Ta'ala. Baitu juo di bahaso Jawa. Namun, mukasuik nan takanduang di hati ustad, buya, ajeungan, pengulu, dai itu tantu bukan untuak main-main, tapi agar dapek dimangarati dek masyarakaik umum. Cuman, cuman go eh. Diakui atau indak, si Af nan Wady ko dek lah talanjua indak disukoi, lah talanjua dianggap ingin nak baele-ele, mako apo nan disampaikanno iyo manimbuakan kontraversi. Namun, namun sakali lai sarancakno awak tatap objektif, tatap adia, tatap luruih. Nan angkau Af, bak pituah Z di bawah, rancaklah diusaoan untuak indak mamanciang-manciang. Ka baa juo, samantaro kiniko, angkau iyo agak baceno saketek di dunsanak di palantako. Latiah-latiah juolah lidah baistighfar. Itu sajolah dulu. Wassalamu'alaikum wr.wb., Lembang Alam (53th + 48 hr) ----- Original Message ----- From: Z Chaniago <[EMAIL PROTECTED]> To: <[EMAIL PROTECTED]> Sent: Friday, October 08, 2004 4:39 PM Subject: RE: [EMAIL PROTECTED] Bahaso nan Balain Lain (Re: Baulang Baliak) > Assalamu'alaikum WW > > Af...., waang yo bana nyo.... > baulang-ulang jo parangai lamo.... > > Rancak-nyo baiko baa nyo... > sabananyo soal ejaan dan tulisan dari kato nan ado di kapuang atau bahaso > apopun indak ka mambuek buransang ataupun berang urang do.... > nah nan agak mangganjia di waang adolah lah jaleh ado nan keberatan jo > tulisan waang nan manulih kato sarupo jo nan taucap ...padohal kato itu ado ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
