Alah mulai lamak ota jo Pak Guru Online nampaknyo ko, ha ha ...
Nampaknyo alah klop kito ko, Guru!
Tapi sabananyo ambo indak berfilsafat do, guru. A nan pilsapat tu indak jaleh pulo dek ambo do.
Ambo bajalan jo pikiran surang, lapeh dari pilsapat, indak pulo namuah takabek dek (maaf) ajaran agamo tertentu.
Mengenai tanyo Pak Guru baa caro berang ka murik, agak kurang baruntuang ambo karano indak bisa mamberangan anak lalu mausia-nyo kalua kelas.
Kadang2, iyo taragak pulo ambo maaja di SD Inpres. Kalau di SD Inpres atau SD Negeri biaso, macam-macam anak dapek awak mangecek;
"Waang iyo alah kalabiahan bana. Waang kecekkan takuik den jo gaek waang, baok gaek waang kamari! Indak gaek waang bagai manggaji den do! Jankan jo gaek waang, jo urang sakampuangnyo ndak katakuik den do!"
Ambo taragak pulo nio ka mangecek takah tu sambia mamilin sisunguik.
Tapi ndak bisa ambo lakuan di tampek ambo maaja. Kecek urang nan tau, caro itu indak efektif untuak maajai anak. Keceknyo pulo, caro nan labiah efektif adolah "restitusi". Baa nan restitusi ko silahkan Pak Guru cari infonyo surang, karano dek ambo indak pulo jaleh do.
Sistem restitusi ko diterapkan pulo dek JIS, salah satu sikola swasta nan cukuik terkenal pulo di Jakarta, Jalan Pattimura.
Dasar paraturan (keceknyo pulo) indaklah narako nan manakuikkan, atau sarugo nan panuah kanikmatan, tapi sesuatu nan manjadi 'keyakinan kito basamo nan dipacayo-i sebagai kebaikan'. Istilahnyo, "school belief". School belief ko adolah sebuah norma-norma yang kito yakini basamo sebagai kebaikan untuak kito dan kasado urang di sikola ko.
School belief tu biasonyo dimulai jo kato2, "We believe, that..... dst."
Kalau school beliefs JIS, "In Pattimura (karano JIS ko di Jl Pattimura), we believe that everybody should.... dst).
Jadi kalau seseorang anak melanggar sesuatu, nan partamo awak harus me-restitusi dirinyo surang, apo nan dikarajokannyo. Lai sasuai jo apo nan kito yakini basamo sbg kebaikan (belief itu tadi). Jikok indak, mangko inyo harus manarimo konsekwensinyo. Konsekwensi (punishment) itu inyo harus terlibat pulo mamikiakannyo, tantu dengan niaik supayo hukuman nan dibarikan itu dapek manyadarkannyo, bukan sakadar "pambalasan" dari kito ateh parbuatannyo.
Ondeh, jikok dirantang namuah panjang ko Pak Guru. Lain wakatu lah kito sambuang baliak.
Wassalam, Wady (30th)
At 07:10 AM 10/21/2004, you wrote:
Pak Wady ! Ambo perhatian posting pak Wady indak lupo doh jo kato-kato filsafat !, sarupo filsafat urang baoto, filsafat bugih lamo dll. Eh, iyo manganai iklan jual motor ambo tu !, tanyo ciek ! Alah tajua Motor Astrea Grand ambo tu ! Kalau alah ambiak selah kepengnyo balian ka buku-buku ilmiah nan bisa mambuek awak ba iman kapado Allah dih !. Jan dibali jo buku filsafat tu lai ! Mereng awak dek nyo ! atau kandua tali anam awak deknyo !, apolai nan kadi filsafatkan tu Allah SWT beserta wahyunyo, tambah dak beres awak deknyo.
Urang filsafat atau failusuih tu, kalau mangeceknyo ba andai-andai, Iko contoh kecek urang filsafat :
1. "Dapatkah anda bayangkan seandainya binatang dapat berbicara seperti manusia ?. Jika si Budi sedang makan pisang, maka monyet si Budi tidak cuma sekedar mengerinyit-ngerinyit dahinya dalam frustrasi, melainkan dengan lantang akan berkata "Bagi-bagi Dong, Budi pisangnya !!!". Dan bukan hanya berhenti disitu saja, dia pun mungkin akan belajar menanam pisang itu sendiri, sebab dengan menguasai bahasa, maka dia akan menguasai pengetahuan" (Fisafat Ilmu, hal. 171 kar. Yuyun S. Sumantri)
2. "Andai aku seorang muslim liberal, maka aku akan melepaskan segenap keyakinan-keislamanku dari segala bentuk otoritas tafsir atas Islam yang tidak sesuai dengan akalku, termasuk otoritas keulamaan. Namun, aku akan menerima tafsir-otoritatif dari siapa pun, dalam arti bahwa otoritas itu bersumber pada bukti-bukti yang meyakinkan secara rasional dan berdasar pada prinsip-prinsip ilmiah yang aku yakini kebenarannya. (Haidar Bagir, Tanggal dimuat: 17/8/2002, posting pak MII)"
Cobalah pak Wady renungkan apo iyo bisa monyet ka mananam pisang kalau inyo bisa mangecek ?
Supayo jan baandai-andai juo labih rancak cuboan ! Badiskusilah pak Wady jo urang-urang filsafat di SBI Madania tu. Buek lah eksperimen di sekolah Pak Wady tu !, Karano media atau laboratorium ambo liek amat langkok di sekolah pak Wady ko, aja monyet tu mangecek sudah tu buktikan iyo lai pandainyo mananam pisang ?, Sarupo Ucuik maaja cacak bagitar hee.. heee heeee, lai pandai cacak tu barecorder ????
Kalau pandai inyo monyet tu mangecek, tantu inyo akan mangaluakan mashab pulo mungkin ? Yang namo mashabnyo "Fiqih Monyet Batanam Pisang (FMBP)", yang isinyo antaro lain dibolehkan para monyet untuk bermuamalah tetang jual beli atau ekspor impor pisang dengan manusia, dan menetapkan PT. Wady Afriadi, S.Sn, TBK sebagai agen tunggal ekspor impor pisangnya monyet ! ha.. haa haa ....
Z. Rangkayo Mulie.
____________________________________________________
Berhenti/mengganti konfigurasi keanggotaan anda, silahkan ke: http://rantaunet.org/palanta-setting
------------------------------------------------------------
Tata Tertib Palanta RantauNet:
http://rantaunet.org/palanta-tatatertib
____________________________________________________
