Tamonuang ambo mambaco surek Mak Ngah ko. Saboba banyak pangatahuan batambah dinyo. Maklumlah umua nan alun sataun jaguang, darah alun satampuak pinang, pangalaman nan alun saujuang kuku.
Ndak ado kato nan dapek ambo kecekkan lai, Mak Ngah, salain tarimo kasih nan sadalam-dalamnyo. Bola angek "Bugih Lamo" nan ambo guliakkan tarnyato mandapek tanggapan nang sangaik bararti dari Mak Ngah. Tantu indak ambo sajo nan mandapek ilmu dari Mak Ngah ko, tapi kito basamo. Nampaknyo Mak Ngah urang lamo di Palanta ko, tapi jarang basuo dek ambo. Tarimo lah salam kenal dari Ambo, Mak Ngah, si Wadi nan acok ma-rangak rangak ko. (Mungkin Mak Ngah caliak2 jauah sajo salamo ko). Iyobana barakaik pambahasan "Bugih Lamo" dek Mak Ngah tu. Tarimo kasih juo untuak Sdr Ismet nan alah sato pulo mambarikan pandangannyo. Wassalam, Wady (30) Paruang, Bogor On Wed, 20 Oct 2004 11:10:55 -0700, Sjamsir Sjarif <[EMAIL PROTECTED]> wrote: > Mancaliak baragam interpretasi manganai istilah "Bugih Lamo" saroman > "bingkai" lamo, "tinju" saroman Katupek Bangkaulu, lagu "bendi Bugih" lamo, > dan mungkinlain-lain, barangkali rancak ambo tambahkan katarangan nan lazim > dipakaikan maso dahulu. > > "Bugih" dalam istilan "Bugih Lamo" tu biasonyo dek urang-urang tuo kito > maso saisuak dimukasuikkan "Kain Bugih" atau labiah jalehnyo "Kain Saruang > Bugih". Kain Bugih ko bahkan marupokan kain saruang simbol adat untuak > Urang Awak, dipaliharo baiak-baiak, disimpan sabagai pusako dan dipaliharo > turun tamurun. Kain Bugih tu indak dipakai saroman kain saruang biaso, > dipakai wakatu Upacara-upacara Adat atau Hari Rayo Gadang dan hari Rayo > Haji. Samakin lamo atu tuo Umua Kain Saruang Bugih tu batambah tinggi > harago atau nilai (value)nyo dalam pandangan masyarakat awak. Dengan > kehati-hatian urang mamaliharo Kain Bugih tu, kok dipakai sakali-sakali, > baiak dalam alek adat atau hari rayo, mangko komentar urang nan mancaliak > dan mamujinyo atau mangagumi, biasonyo: Ondee iyolah kalua Bugih Lamo! > > Di tipak ambo sandiri masih tasimpan Bugih Lamo pusako Ayahanda (almarhum) > nan baliau bali wakatu baliau mudo sakitar tahun 1909. Dalam tahun 1985 > ambo sandiri pai ka Nagari Bugih, ambo bali pulo macam-macam Kain Bugih > tanunan aslsi dari tangan partamu. Salah satunyo nan sirah atiayam, masih > ambo bawo kuliliang dunia kama ambo pai, masih dilipek untuak > dicaliak-caliak sabagai tando awak Urang Minang. Bagi ambo kain Bugih ambo > ko kini lah manjadi "Bugih Lamo" pulo nan ambo paliharo elok-elok. > Kapatang, ambo baru baliak dari Kanada, Kain Bugih tu masish dalam kopor > kini alun bakalauakan lai, siap... siap untuak dipakai Hari Rayo ko... di > Konsulat San Francisco. > > Jadi dalam hal iko ado nan dikagumi, dinilai tinggi dan dimuliakan > di"value" oleh masyarakat kito. Value ko kadang-kadang diekspan (diluaskan > aratinyo) ka bidang-bidang lain nan diharagoi, saroman kato-kato dari > seseorang nan rancak kadangarannyo dan dalam aratinyo. > > Bugih adolah namo Suko Bangso di Sulawesi nan daerahnyo sekitar > Makasar. Mareka terkenal sabagai pangharuangi lautan manjalajah nusantara > dan lautan-lautan dunia. Salain dari nelayan ulung di lautan, di darek > mereka pun petani saroman uang awak dan ahli seni dalam soal mananun kain, > istimewa kain saruang haluih-haluih nan bamutu tinggi. Salain ambo alah pai > ka Nagari Bugih, dalam pangembaraan ambopun lah basuo manamukan Rantau > Urang Bugih di nan paliang Barat Indonesia, di suatu pulau di sabalah Barat > Pulau Nias, Hinako namonyo. Baitu juo ambo panah basuo Urang Bugih di Lam > No, suatu kampuang Urang Aceh nan banyak pulo katurunan Urang Partugih, di > pantai Barat Aceh nan indah permai. > > Nah, salain dari Kain Bugih sabagai salah satu atribut Pakaian Adat Awak, > masih ado kato-kato lain saroman Bendi Bugih atau Lapeh Bugih. Kabanyo > Wakia Paresiden Awak kini dari Bugih pulo nan diambiak jadi minantu dek > Urang Awak (Solok). Anak baliau pun diambiak minantu pulo dek Urang Awak > (Sungai Panuah&Payokumbuah). > > Apokoh tari Boogie-Boogie ado lo hubuangnyo jo Tari Bugih ... , aaa iyo > indak tahu ambo doh, tasarahlah ka tukang uruik sajo mainterpretasikannyo.... > > Salam, > -- Mak Ngah > > 34392 > From: M. Ismet Ismail <[EMAIL PROTECTED]> > Date: Wed Oct 20, 2004 5:04am > Subject: Re: [EMAIL PROTECTED] "Bugih Lamo" > > > > Bugih lamo yaitu rangka atau bingkai yang tabuek dari kayu atau buluah yang > lah lamo umuanyo sahinggo kulit kayu atau bambu itu ala manghitam. > > > > --- > Outgoing mail is certified Virus Free. > Checked by AVG anti-virus system (http://www.grisoft.com). > Version: 6.0.779 / Virus Database: 526 - Release Date: 10/19/2004 > > > ____________________________________________________ > > Berhenti/mengganti konfigurasi keanggotaan anda, silahkan ke: > http://rantaunet.org/palanta-setting > ------------------------------------------------------------ > Tata Tertib Palanta RantauNet: > http://rantaunet.org/palanta-tatatertib > ____________________________________________________ > > ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________
