Sato lo ciek ma urai nan takana samaso ketek2 dulu tantang "bugih lamo" ko. Saingek ambo sasuai jo lirik lagu nan di- dendangkan dek cik uniang tu, iyo bugih lamo ko samacam bendi nan di kampuang awak khusus digunokan untuak pacuan.
Jadi kalau indak salah dulu tiok sasudah ri-rayo diadokan pacuan kudo bagantian di tiok galanggang pacuan kudo nan ado di sumatra barat, mulai dari Rimbo Kaluang Padang nan kini kalau ndak salah jadi Stadion H. Agus Salim, Ampang Kualo, Bancah Laweh dll. Nah, sabalun mulai pacu "boko" yaitu putaran final pacu kudo sasudah babak panyisihan mako diselingi jo pacu bugih ko. Bugih ko sabantuak bendi tapi indak pakai atok di atehnyo. Kudo bugih ko ba lain jo kudo pacu, jiko di kudo pacu nan rancak tu larinyo manduo yaitu bantuak malompek karano duo kaki muko sa irama jo duo kaki balakang. Kalau kudo bugih irama larinyo bantuak urang malangkah sahinggo bugih nan di elo nyo indak tasintak-sintak dan indak manyakik an ka kudo sahinggo daya tahan bapacunyo labiah tinggi. Bugih nan pernah juara basimpan jo ba paliharo elok-elok karano manjadi barang baharago dan sakali-sakali bakaluaan nyo. Jadi dalam suatu pacuan, kalau alah bakaluaan bugih lamo ko aratinyo alah "prestise" bana nan ba adu ma. Kalau untuak kudo pacu nan terkenal jaman saisuak tu kudo "Nero" dari Agam (sirah bendera e) jo kudo "Jaya" dari Tanah Data (bendera e kunyiang). Itu saketek nostalgia tantang bugih lamo ko. Acok juo urang ma istilah kan bugih lamo ko jo "jando lamo". salam - tg # -----Original Message----- # From: Wady Afriadi # # Sabanonyo, sabalun ....<duang>... # # Sacaro langkoknyo, lagu "Bugih Lamo" ko adalah sbb; # # # Bugih Lamo # ========= # # Itam bakilek si kudo balang # Tambatan bendi si Bugih Lamo # Urang maliek lai sanang # Apolai awak nan punyo # # *Onde onde iyyooo... Bugih Lamo # Mainkan lah Bugih Lamo tu # # Anak cacak diateh manggih # Cigok cigok kapalonyo # Surang rancak nan surang manih # Samo gadang kaduonyo # # (Catt dari Wady: iko iyobana basuo di ambo kini, inyo samo gadang, # samo rancak, samo namuah, nan ma nan kadipiliah? Paniang pulo ambo) # # Ramilah urang ka pacu kudo # Rami dek urang mudo-mudo # Tasirok darah di dado # Basobok jo jando lamo # # (aa.. iyo baitu pulo dek ambo. Tiok mancaliak anak, tantu induaknyo # basobok pulo. Kalau Uni Epa batanyo ka ambo; 'Nan dicaliak anak atau # induaknyo?) # # *Ondeh ondeh iyyooo..bugih lamo # Mainkanlah Bugih Lamo tu.. # # *(Baulang2 taruih) # ============= # # Baitulah kiro-kiro, dunsanak. # Jadi, ....<duang>.... # # Wassalam, # Wady (30th) # Pasa Paruang # # ____________________________________________________ Berhenti/mengganti konfigurasi keanggotaan anda, silahkan ke: http://rantaunet.org/palanta-setting ------------------------------------------------------------ Tata Tertib Palanta RantauNet: http://rantaunet.org/palanta-tatatertib ____________________________________________________

